穿越時空，冒充平行世界嘅另一個自己，再去呃佢條女上床: （30）

果然，瑤瑤同欣欣喺客廳度嘈交。

事緣係瑤瑤喺無得到對方同意下，偷偷地拎左欣欣個叉電器叉電，後尾俾對方發現左，二人就嘈起上嚟。

「你細個先生有無教你架，不問自取是為賊也！」欣欣指控瑤瑤。

「借嚟用下又唔係攞你忽肉，洗唔洗咁大反應？」瑤瑤反駁。

當一見到Mike從沖涼房行出嚟，二人即刻就拉對方過去評理。





「老公呀！瑤瑤佢成日都係咁，唔過問人就攞人啲嘢，你快啲話下佢啦！」欣欣掹住Mike嘅衫尾，用撒嬌語氣講。

「老公你話下欣欣啦，人地只係借個叉電器用下，咁就話人係賊！」瑤瑤又叫Mike主持公道。

「咁你係賊呀嘛！」

「我只係借又唔係偷，點會係賊呀？」

欣欣同瑤瑤各執一詞，互相辯駁。





Mike第一次遇到呢啲情況，唔太識得點處理…

「老公呀，你快啲出句聲，評下理啦！」欣欣催促。

「Er…點解…點解你無啦啦要拎欣欣個叉電器用？」Mike就問瑤瑤。

「因為人地個叉電器壞左呀嘛。」

「哦~咁好簡單啫，買個新嘅叉電器咪得，再唔係買部新電話都得。」Mike下巴輕輕，隨意答應人買電話。





「好呀！我想換電話好耐架啦！」瑤瑤當堂開心到彈起。

「老公我又要新電話！」

「仲有我，我都要新電話呀！」

欣欣同Yoyo食住個勢，一齊lur Mike買電話。

Mike當然逐一答應，橫掂最後都係另一個自己找數。

欣欣同瑤瑤之間嘅爭吵就咁平息左，屋內回復安寧。

Mike頭先同Yoyo喺沖涼房搞到一半，谷住谷住無射到，於是佢行入Yoyo間房，諗住嚟個下半場。

三個女人分別都有自己嘅一間房，但Mike唔知喺呢間屋入面有一個規矩，就係每晚入邊間房同邊個老婆訓，其實係一個固定嘅時間表。





星期一二同瑤瑤訓，三四就係欣欣，到五六先係同Yoyo訓，只有星期日可以自由選擇。

今日係禮拜二，因此理應係要同瑤瑤訓。

瑤瑤見到Mike入去Yoyo間房，醋意大發。

「喂呀老公，今日星期二，你應該係同我訓架！」瑤瑤行嚟拉走Mike。

Yoyo就拉返住Mike：「好明顯老公今日想同我訓，多過想同你訓啦！」

「規矩就係規矩，星期二老公就係要入我間房訓！」瑤瑤立場企硬。

「規矩係人定架啫，隨時可以改架嘛！最緊要係老公嘅心意！佢入得嚟好明顯就係想同我訓。」Yoyo反駁。





本來兩條女嗌霎已經夠嘈，欣欣仲要叉隻腳埋嚟，加入戰團：「上個禮拜同上上個禮拜三四，老公都要無返嚟陪我，今日應該補返數同我訓先啱！」

「同我訓！」「老公入我間房！」「嚟我間房呀！」

三個女人捉住MIke不停拉拉拉扯，各不相讓。

同時間俾三個女人爭寵，呢種感覺固然係飄飄然，但三把女人聲疊埋一齊，嘈到耳仔都聾。

「好啦！唔好爭！」Mike頂唔順大喝一聲，「今晚我三個都要！你地三個一齊上，或者我一個上曬三個！」

Mike嘅4p宣言一出，三個女人就入房，分別換上「戰衣」，欲以最佳狀態出擊。