寵物細佬同埋主人家姐

…究竟由幾時開始，我同家姐嘅關係變得唔再係正常嘅姐弟關係？

我叫阿華，家姐叫阿敏，佢大我4年。旁人眼中，我哋係一對關係好close，好friend嘅姐弟。平時喺街出面，佢都表現得好錫我，食飯都會夾餸俾我。總之一有咩問題都會九秒九幫我，但係…只限有其他人在場嘅時候。

敏姐姐係一個好外向嘅人，由我有記憶開始，佢一直都好善良，幫得到嘅都會幫手，不論對方係咩人都好，佢唔會有任何怨言。加上佢又靚又可愛，可以稱得上係眾人眼中嘅天之嬌女。

在校成績好，冰雪聰明，又參加唔同校隊，人脈廣就不在話下，最重要係根本唔會搵到所謂討厭佢嘅人，完完全全就係宜家俗稱嘅「世界仔」。

不過喺我眼中，呢啲只不過係佢嘅演技，將自己包裝到完美，連屋企人同朋友都呃埋，完美無瑕嘅代人處事其實只係佢虛假嘅表面，我唔知點解佢要咁做，亦唔知佢幾時係真，幾時係假。但可以肯定嘅係…一切都要由我發現倒佢嘅秘密開始。