魔王（完）: 神魔大戰

「魔王大人！」「大人你番黎拿？」「魔王番黎啦！」…我直奔地獄去找鬼判等人。「魔王大人！之前聽到話你失咗蹤，嚇死我地…」死神帝、監官和惑使官也在，鬼判走了出來：「大人。」「鬼判，死神帝、監官、惑使官，聽住！呢刻開始，放低手頭上工作，即刻召集所有魔族官員，只有一個任務：見到神族，殺！」我一聲把地面震裂、溶岩不斷向上噴。「大人！…」鬼判正要說話，我一個眼神把他打飛，在場所有官員看到我充滿怒氣的魔眼，立刻向我下跪，大喊：「領命！」之後立即出發。

我一瞬間閃到被我打飛到老遠的鬼判身前，伸手向他，問他：「上帝殺左我嘅人族朋友。鬼判，你想做我朋友，定做我敵人？」他猶豫了一會，伸手握我手：「雖然我唔知系咪真，但你一向都係我尊敬嘅魔王。你要開戰，我會幫你。」「多謝。」我一手拉起他，與他互相點頭，他便一閃消失。

我一返回人族地表，火王爺、元星君、天使長和楊教授便把我圍住。火王爺急急問我：「魔王大人，發生咩事呀？」「系呢魔王，你有番記憶有番能力拿？」元星君問，「你哋唔洗再假惺惺。有咩等混沌重啟宇宙再講啦！」我一伸手，地殼開始將馬路裂開兩邊，地下水管噴射到一二樓高度。「大人！」火王爺走向我握住我手臂：「你唔係咁架！大人！」元星君和天使長也上前阻止我：「魔王，你真係要開戰？」我閉上眼睛，就滿腦子都是車禍現場的慘況，人類的苦喊聲，和好兄弟的死狀。「對唔住…」我放下手，睜開魔眼，冷冷地說：「要怪就怪你地嘅好上帝。」我一舉手，將地球重力變成0，所有人事物立即向地外飛去，他們幾個也一時措手不及，都飛上半空。火王爺立即將三維空間的時間暫停。「火王爺！你係咪要與我為敵？」我再三問，火王爺看了一眼其他人，在天使長要使用能力前一手控住他，與他打出個火花。「火王爺？」「對唔住，我冇得揀！」他兩手牽制住天使長和元星君，楊教授追向我，我一握拳頭，他的肉體便化成灰，剩下靈魂。「何啟天！」他仍不肯放過我，「我諗你唔會唔知，6維或以下嘅能量體對我黎講，同打曱甴冇分別。」「如果你打完我之後會放棄重啟，比你打死都冇所謂。」「你走啦！」我一掌把他打飛，向著上帝所在的位置飛去。

地球、神魔界正式陷入混亂狀態，我召喚出地底的惡魔，讓他們打破火山已出，導致火山噴發、海洋醞釀海嘯、高山盤地正緩慢移動，人族的尖叫聲和神族痛苦的掙扎亦可以幫魔族其下的官員死神、惡魔、惑魔使差電。

「魔王！你點解要咁做！」元帝和戰神終於來了。「黎左拿戰神？」我鬆鬆肩膊的筋骨和手指的關節，魔性興奮地微笑。「既然你認真嘅，咁我就認真同你打。」他揮一揮手，一大堆天兵神將包圍著我。我哈哈大笑：「你哋神族嘅人都幾得意架喎～咪話左6維或以下系送死咯。」戰神徒手變出神劍，向我一揮，「殺呀！」眾神族二話不說衝向我。「咁我就唔客氣啦～」我變出魔劍，先橫刀一揮，再凌空畫出五芒星標記，召喚出一堆惡魔。之後我一劍殺一個，左一個右一個。魔劍可以把他們的能量吸收，神劍則會把能量封印，魔劍撞上神劍，可以打出太陽黑子風暴的力度。「你話如果你把神劍唔小心落入我手中會點呢？」「你都幾大口氣！」「睇吓點！」我和戰神你殺我擋，速度快如光，但他冷不防我一個眼神，被重打在地上，石屎也破碎了。「啊！」他很快重新站起高速撲向我，與我再一番激烈閃鬥。「我仲記你出世果陣，已經好中意同我用法包打交。」我邊打邊說，「計落，你都算係唯一一個唔嫌我又麻煩又好打交嘅叔叔。」「叔叔…」我苦笑了笑，「冇諗過今日真係要同你打，叔叔…」他放軟了手腳，我劍指他的喉位：「仲打唔打？」他微笑：「其實我知道你由細到大都就住我，而家我都咁大，你仲係就住我打。你一早就可以打死我，偏偏要比我覺得我打得贏你。」「你仲係咁冇自信咩？」我收起劍，空間跳躍離開。





天空開始又黑又紅，閃電不斷。「佢哋落唔到手，但我可以。」魔使官憑空出現。