魔王（完）: 共同興趣

「冇野…」媽擦一擦眼淚：「我發夢你走左去，所以唔開心…」「喔～」我呵呵笑，摸摸她的頭：「你個仔我女朋友都未有個。同埋呢，我結咗婚之後你肯定系多左好多個孫，點會冇左我呢。」我見他倆笑得有些勉強，媽說：「我哋知你乖啦！」

我在床上看著書，還是想起父母剛才的反應，似乎有什麼不能告訴我的秘密。我想了想，會不會是跟楊教授有關？那…楊教授會不會跟我記憶中閃過的白袍男人有關？

「喂你個混沌論出電影喎！ tmr上映！10:38」
「我知呀！你係咪陪我睇呀仁哥？10:39」
「我約左女女喎tmr 10:39」
「知你啦。我自己去！10:39」
「好心你咪咁毒，你上一個都兩年前散咗，幾時搵番個？10:40」
「你又學埋岑傲雪d衰野 10:40」




「🤭10:40」

又是一個美好的星期天，因為想看混沌論的首映，很早便訂了戲票。晚上便約了michael 三人一起去吃飯和玩樂。

我買好爆谷餐進場，到位置時倒嚇我一跳，是那位金髮女生。「乜係你呀？」「又係你呀？」我坐了下來，她也買了一模一樣的爆谷餐，我心裏也打了個突。「你都對混沌論有興趣？估你唔到喎。」我苦笑，她仿佛反了我一個白眼：「你估得你一個有興趣？」燈先漸漸昏暗，全場亦漸漸坐滿。

電影講述人類發現混沌論是真正的神創論，但亦認為混沌論對人類不公平，巧合碰上神族魔族因權力而鬥爭，人類加入鬥爭之中挑撥，人神魔展開宇宙大戰。

電影完結之後，我還是難掩興奮，禁不住跟她講電影：「個編劇都鋪排得幾好，雖然都有d唔合理嘅位，不過人類最奸呢個位真係演繹得幾周到。神非神，魔非魔，人非人…」我與她一邊離場，我一邊嘮嘮叨叼，方才發現她瞄了我一下。我瞬間收了聲，沒想到她竟然說：「估唔到你都幾有見解架喎。我都覺得套戲整體拍得幾好…」沒想到她也很有內涵，亦對混沌論有些認識，最難得是與她聊得蠻投契的。





「你而家有咩做呀？」「做咩呀？」她馬上又回到那個平時的警剔狀態。「一齊食lunch？」只見她皺起眉頭，我正打算說不要緊，她就爽快回答我：「可以呀。我哋食咩？」我不敢在心頭感歎她性格的可愛。

「你頭先講果d，見你對混沌論都幾有研究喎。」我說。我們選擇了半自助打邊爐，我把肥牛放進去。「唔算啦，唔知點解有d興趣。我覺得你認識得仲多，你自己睇嘅？」她邊吃邊問。「其實我都系唔知點解好有興趣，不過自己真係搵唔到好多資料。我手頭上有三本書系揚教授借比我，我睇完之後我哋一齊搵佢，問下佢可唔可以借埋比你？」「好啊。你果幾本系咩書黎架？」「我果三本呢系…」……