魔王（完）: 開學日

「魔王，你要去邊呀？」

「我要去混沌所處之地。」

「唔通你諗住…」

「冇錯，我而家行動，我要重啟宇宙。」

「我同你一齊去！」





「紫龍上神，你會有危險。一旦打起上黎，你點應付元帝、火王爺同元星君三個…」

「所以我更加唔會拋低你一個…」

————————————————————————————————————————

「天仔早晨呀！」「阿天早晨呀！我整咗蕃茄火腿通粉同西多士比你做早餐啊。」

「早晨爹吔媽咪。」我剛洗刷完，看見母親從廚房拿出豐富的早餐及咖啡到餐桌，父親正在看南華早報。「哇正！」我最愛的西多士和火腿通粉，加上我習慣了的咖啡，真的是一個很好的開始。





「知道你今日第一日開學，番咗咁多年工，而家番番學你慣唔慣架？」母親脫下圍裙坐下，與我們一起吃飯。「唔知架，對上一次asso畢業都差唔多…8年前，突然間又全職讀番書其實都有啲唔慣。冇計啦，升職緊要！」我想了想，又笑了笑。「爸爸你睇吓我地個仔，話咁快就27歲。」不是我賣花讚花香，母親笑起來真的又甜又慈祥。「咁老啦咩？」父親取笑我：「睇你唔出喎何啟天！我喺你呢個年紀已經同你媽媽生左你喇。」別看我父親幽默風趣，他做事成熟可靠，而且在我心目中是紳士的典範。

「阿媽，你啲手勢又進步左！」「係咪呀？我晏晝去教班會整芝士蛋糕同埋朱古力慕絲，你兩個記得留肚食！」「Yes madam!」「Yes Madam!」吃飽之後，我便準備好上堂用品去上學。

我叫何啟天，今年27歲，自從文化管理asso畢業之後就出了來做社畜。我做過學校、博物館，對上一份工是圖書館助理。其實我不太鍾意考試，不過要升職和深入研究文化的話，始終要個學位，但半工讀真的太辛苦，所以我又重投全職學生的生活啦。我爸爸何國言，他是連鎖西餐廳老闆，最近開了幾家烘焙教室給媽媽小試牛刀。他有問過我有沒有興趣跟他做生意，可惜我真的對那些太功利主義及勾心斗角的商業圈子亳無興趣及天份。至於我媽媽王潔慧，在我18歲之後便從家庭主婦變身成為烘焙教主，不論頭盤主菜還是甜品也頗有研究心得。有時他們兩個做人做事的表現，真的會令我誤會他們不只做了54年人！

「早晨啊旺叔！」「阿天！今日咁晏嘅？」「今日番學啊我！」「番學？你比啲心機啊！黎旺叔送支保礦力你！」「唔好咁客氣啦旺叔！」「快啲拎住！小心啲啦！」「知道啦！多謝旺叔！我番學啦！」我家在西半山西摩道，轉個街囗就是旺叔的報紙檔，從小到大旺叔便看著我成長，媽媽亦每早去買報紙。之前有時旺叔需要走開，我會去幫他看鋪一個半個小時。

「阿天早晨！」「泉哥早晨呀！」「阿天今日行呢邊呀？」「係呀六嬸！」「阿天！放工黎我度喎！」「知道啦六嬸！」…一眾街坊與我年我爸媽也很熟，我從小到大亦經常與眾人打交道。我伸了伸懶腰，看著藍天白雲，每天都是這麼美好。