【請勿當係真人真事】女朋友的AV: I don't give a fuck

三個人拍拖，其實同三個朋友出街係無甚分別。只係多個人多雙筷。

  即是平是去BBQ就兩個人四隻叉，就變成三個人六隻叉，而我係變成負責四隻叉，燒完今次，攰到要手指切除既我就話唔得啦，下次我要開始用網燒算。

  期間大部分時間都係阿LING同袁可兒係度傾計，袁可兒就係咁講我中學時啲瘀野，阿LING就分享佢啲性經驗，而我呢，我係決定唔會向佢地炫耀我點樣組織到大半個工會既人一齊去打RAID。

  不過我地三個人搭緊巴士返HALL 時，雖然我地坐係最後排，但可能因為阿LING同袁可兒夾住我坐表現得太親暱，所以有位中年女士唔知係好奇、羨慕、定係厭惡，就時不時咁用眼角望過黎。

  袁可兒對別人既目光最敏銳，所以佢細細聲係我耳邊講：「家俊，其實你咁好似我咁既人一齊，會唔會好辛苦呢？」



  阿LING又加入：「同埋阿俊，我淫賤啫，但係如果有人講到我淫賤好似係你既責任咁樣，你會唔會又好難受呢？」

  我左右咁望下佢地等我答既眼神，又望到前面幾排果位中年女士既背影，平靜咁講：「你地諗多左嘞，你地又唔係揸鎗迫我既，我做人只係做我想做既事既啫。呢個世界係有啲人，無論你做幾多野，都係滿足唔到佢地架啦。對啲從來唔係關心我既人，I don't give a fuck！」 

  阿LING一手揸落袁可兒個波度，同佢講：「我都話我地個男朋友係最有型架啦。」

  袁可兒一副認叻，挺胸咁話：「我一早知過你啦，哼哼。」

  阿LING竟然伸多一隻手橫越我既胸前，雙手咁捏落去袁可兒副車頭燈度，好似個痴漢咁：「哎呀，你對奶我真係百揸不撚厭既啫~~~」



  袁可兒撥一撥頭髮：「呵，我唔係好似爛臭閪你咁淫亂，唔係人人都以揸架，係家俊準許你揸，你先有得揸，知無？」

  阿LING仲要一對腰果眼咁講：「多撚謝主人，多撚謝主人。吃吃吃……」

  一路無事我地又返到HALL嘞，通常我同阿LING星期日拍拖，到呢個位就各自散水。

  不過阿LING話我知，其實通常佢係呢個時候約左肥波扑野，不過今日佢知道張子樂唔會係我房，就話佢同肥波做完之後再同袁可兒上去我房度玩3P。

  袁可兒話想沖個涼先，因為佢覺得成身仲係有陣BBQ味。阿LING塞左佢個背囊比我，話叫我同袁可兒幫佢拎去佢房度，佢就自己先上去搵肥波。



  咁我就同袁可兒手拖手咁去到佢房門口，同時有兩個拍拖對象依然未慣，我仲係感覺阿LING先係女朋友，而我而家就係度偷情。雖則，阿LING其實呢一刻應該係同另一個男人交換緊體液。

  袁可兒打開房門，正要入房，轉身向我問：「家俊，其實你係咪鍾意女仔淫亂啲既？」

  我無諗過我要再解釋多一次：「可兒，濫交只係一種行為。而我覺得鍾意一個人，係鍾意一個人既特質。假設你話你鍾意一個會砌模型既男仔咁講，其實你唔係鍾意佢砌模型，而你覺得砌模型既人係細心同有耐性，而細心同耐性先至係你鍾意既特質。因為有一日世上無模型砌，但係細心同耐性係唔會變。」

  「阿LING呢，係一個善良而有自信既女仔黎，同佢既濫交係無關係。而你呢，你係一個細心又會照顧人既人，同你既性別係無關係既。而我呢，我諗阿LING係媑意變態佬啦，你呀……我諗你都係鍾意變態佬啦。」

  可兒：「我只係諗，如果你係鍾意女仔淫亂啲既話，我……我都可以架！」

  我拍一拍額頭：「你去做你想做既事，唔好因為我去改變你自己，而且你決定到你係淫亂男定淫亂女先啦。」

  可兒：「痴線架你！」佢一手攞左我手上阿LING個背囊，就準備閂門：「陣間見啦。」

  就剩返我一個人返去自已房，星期日晚房間無左張子樂有啲唔慣，佢好多時會返完屋企，就會拎佢焗過既曲奇呀，CUPCAKE呀返黎請我食。



  我諗好左第一件事返房要做既係，打開部電腦LOGIN GAME 先，因為我要由工會會長暫時退位比副手，做返普通會員，我解釋比佢地聽我之後可能暫時會少上線，就交比佢地自地決定下一任會長係邊個嘞。

  有人敲門。

  我心諗，沖涼沖咁快？定係心急要見我？

  我一開門時，見到既竟然係山本？！

  「RICKY，傾兩句？」