【請勿當係真人真事】女朋友的AV: 眼神的距離

雖然阿LING 既事講到呢度，佢係一個性工作者我一啲都唔覺得出奇，況而佢之前都已經預告左。

  但係任何人既女朋友對佢講句：「我去左做雞呀。」都要一啲時間消化下掛。

  我望一望阿LING ，我係佢既眼神中，見唔到「距離」。      

  無錯，當阿LING 講一堆故事比我知既時候，我最想知既係唔係阿LING已經變心，要離開我。   

  而當另一半要離開一個人既時候，最明顯既表象係可以係眼神入面見到「距離」，而呢個眼神係無論佢把口點講無野都好，係唔會講大話既。  



  我呢一刻見唔到，相反，我見到既係增長中既熾熱。    

  我相信阿LING對我既感情係認真既。     

  我再見到佢果對係緊身背心下若隱若現既乳環。      

  佢成件事係毫無違和感，亦係充滿違和感。  

  我突然腦海入面有一把老人既聲音同我講：「少年，你太年輕嘞。」  



  哭笑不得。

  唯有仰天長嘯。  

  「阿俊，阿俊，你無野嘛？」阿LING突然好緊張咁搖住我手臂，可能佢以為我大受打擊到痴左線。

  「無野無野，我只係諗到啲好笑野。」我笑住答。  

  阿LING鼓起泡腮，作質問狀咁：「我話我去左做雞有乜咁好笑。」



  我答佢：「阿爛臭閪你唔好嬲住，你聽住啦，嗱幾年後呢可能我地一齊行街喎，咁呢就撞到個我識既人，咁我就同佢介紹話：『喂，陳生，咁啱呀。呀位我太太，佢係一個性工作者。』然後你比張卡片佢仲話：『有需要隨時搵我吓。』」   

  阿LING已經開始笑：「痴線架你。」  

  我繼續講：「唔止呀，過兩日你真係收到電話，『你好，係咪何太呀，我係陳太呀，前兩日你比左張卡片我老公喎。』跟住佢仲話：『啱嘞，係我要搵你呀，我最近呢搞緊一條新既男士用品，有生髮水，除臭劑，補腎丸之類，想放係你OFFICE度寄賣，亦有SAMPLE派，大家分賬，你有行家都可以介紹比我。』」   

  我停一停，做一個橫財三千萬咁既表情，叫左一聲：「發達啦~~~」

  阿LING叫完左一聲「痴線佬！」之後已經笑到收唔到聲。

  「老細，頭先你好勁呀，食補腎丸丫。」

  「老細，你好靚仔呀，試下呢隻生髮水丫。六十蚊一支，一百蚊兩支。」

  就係咁我地坐左係公園長櫈上面捧腹大笑左三四分鐘。



  笑完之後我地對望左幾秒。 

  阿LING跨過我坐左係我大脾上面，面對住我，大大力咁KISS 左落黎。