【請勿當係真人真事】女朋友的AV: 中學的時候

 我小學既時候係讀純男校，所以當中學升上去轉男女校時，感覺十分新奇。

  初初成為中學生，都會對男女關係，甚至戀愛拍拖都好有憧憬。

  有時我都唔知係樣既問題，定係氣場唔同，好似成日有人拉我埋一邊講心事。當然，亦可能係只係方便，又或者係我係好有耐心聽。

  就係升左中二之後，排成績分班，我就同左袁可兒一班。

  我當時有啲小朋友式咁暗戀住佢，我諗佢唔知掛，但佢同其他人一樣，有時會搵我講下心事。



  但係佢每次講既都係同另一個男仔相處既事。但我而家連佢個名都唔記得左，因為當年我無心機聽。

  我暗戀緊你啊，你同我傾偈我梗係開心，不過唔好講另一個男仔好唔好。

  於是我犯左一個錯誤，妒忌心之下有一次佢同我我講講下野，我發左脾氣走左。

  直到畢業，可兒都無再同我講過一句說話嘞。

  後來我從其他人口中知道，其實可兒都係對我有意思架喎，佢同我講其他人既野，都係唔想我好似另外啲男仔咁樣。



  我就係咁破壞左自己可能有既初戀。

  暗戀可能係虛幻既，但後悔卻係真實既。

  暗戀可以隨時間而消逝，但後悔只會隨年月增深。

  後悔唯一救贖，就是叫人從後悔中學習。

  所以當別人要對我講故事，我就好好咁聽。其實人未講到最後果句，我做咩決定係日後都只會覺得係錯。



  就算今日阿LING講佢點解會成為AV女主角，身為男朋友既我，如果只係最後一個任務，我就盡力做。

 況且，阿LING唔係變心，佢只係淫亂。

  至於我要唔要接受一個淫亂既女朋友，我都需要時間去理解自己。

  呢個時間，都係最好有耐性咁聽埋阿LING 講既事。