【請勿當係真人真事】女朋友的AV: 自己的疑惑

故事去到呢度我必需講下我自己當時既想法。  

好多人覺得，我睇到女友拍av的瞬間，應該係好憤怒，再大聲咆哮，趕女朋友出房，以後唔見佢之類。 

電視劇咩？ 

但當事情真正發生時，產生的反應是反而是疑惑多於一切。 

畢竟呢個係女朋友，係一個一生人中你最感興趣既人，你想知道關於佢既一切。由佢鍾意咩顏色到佢抆屎至少要用六格廁紙，你都會想了解佢後面既原因。 



我後來既理解係我覺得發現佢拍av 同發現佢有第三者唔同，如果我覺現我付出左感情，但佢關心另一個人多過我時，我一定忍受唔到。 

試問有邊個男人無消費過av女優？av 只係一場性愛既表演。 

有無少少嬲當然有，嬲既係佢無坦白話我知，但同時地自己會問自己係咪做人男朋友有做得唔足夠既地方。 

呢幾個月阿LING仲同我若無其事咁行街，睇戲，食飯，買衫，唱K，夾公仔，煲劇，踩單車，去西九野餐，去城門燒野食，圖書館做ASSIGNMENT，我病左幾日佢仲日日買粥上黎同我食。 

但當佢拍緊av ，開開心心咁吹緊簫時，我就戇尻尻，生勾勾，打mmo，或者甚至睇緊av。 



而我有唔開心既時候，仲要佢黎安慰我。 

所以當時我選擇左聽佢既解釋，而唔係閂埋門匿係枕頭下面。 

由其是佢第一句就話比人強姦左時，我係有自責我身為男朋友，又無保護到佢，而佢講出黎時都算平靜，所以我先可以聽佢講落去。 

而且我都話啦，當有個女人好細心咁按摩緊你既小朋友時，你其實只可以咩都聽晒佢講。哈哈。 

我好慶幸我自己當時既冷靜又遲鈍，往後先至會有更多精采的故事。 



當然我既細佬當時又唔冷靜又唔遲鈍。哈哈哈哈……