【請勿當係真人真事】女朋友的AV: 女友的故事(一)

咪住先，四個月前，我重溫自己既時間線。 
      
我地六個月前開始拍拖，兩個月前先開始有性關係。

咁…… 四個月前？ 

咁大件事。       

「係邊個？」我問。 



「係張子樂。」佢答我。           

佢條仆街！呢幾個月我仲同強姦過我女朋友既人係同一間房起居，而我竟然完全不知情，我開始憤怒時又覺得自己無用，正想企起身時，阿LING捏實我條野同我講： 「你坐低聽埋我講先啦。」 

除左我既細佬仲係硬之外，我全身軟晒咁坐返係度。好，我聽。 我無諗過，一個企起身同坐返低既決定，竟係我人生既其中一個重大抉擇。
    
 
時間回到四個月前。      

「果日我依然歷歷在目，我有日臨尾果堂CANCEL左，咁我諗住上黎SURPRISE下你，我開門入黎，你唔係度，但張子樂就係度。」 


      
我要形容一下張子樂，最貼切咁講佢係一個藍球員身形既人，高我大半個頭，對比阿LING差距就更大，留左一頭過肩既長髮，係CAMPUS 度都幾突出，但係佢眼神唔知點解好似好凶惡咁，又沉默寡歡，唔好話我同阿LING，其他女仔見佢條件咁優秀都唔敢行埋去。 

「我覺得佢當時好古怪，佢企左係你張床呢邊，手上揸住左你個枕頭。」 

「我無理佢，因為我地一直都覺得佢有啲古怪，好似佢唔古怪先係古怪。」 
        
「所以我隨口就問：『何家俊呢？』」               

「張子樂無答我，只係慢慢咁放低左個枕頭，然後突然好快咁行到我面前，當面喝左一句『賤人！』，隨手大力咁推開左我，拉門走左出去。」 



「我捽左兩捽撞到既膊頭，心諗：『痴線架！』，但轉頭又諗好唔忿氣，點解我要無端端比人閙仲要推左一野。我要去鬧返佢。」

「我於是走過去肥波房度揼佢度門，叫住『肥波開門！』」

 「無幾耐肥波就打開左半度門，問我『阿LING咩事呢？』」 

「我劈頭就問張子樂係咪度，但我其實已經見到肥波既身後面，張子樂正坐左係肥波張床邊度煲緊煙。」 

「我氣沖沖咁穿過左肥波行到佢面，叉起腰指住佢責難，問佢做乜無緣無故鬧人。」 

「佢原本繼續低頭煲煙唔理我，我再嬲多左啲，就叫左一聲『喂！』」

 「佢慢慢抬高頭，皺晒眉頭咁望左我兩秒，跟住佢就開始發神經。」 



「佢丟左支煙落地，隻左手就好快咁伸上黎捏住我條頸！」