【請勿當係真人真事】女朋友的AV: 女友的AV

一個春天既傍晚，我坐係大學宿舍房入面打緊MMORPG。 

但今天唔係普通日子，除左今日係週末之外，今日亦係我女友阿LING會上黎搵我既日子。

大家都算係成年人，女友上得黎房，當然係有成人活動。    

我同阿LING 拍左拖半年左右，都係近呢兩個月先開始有親密既接觸。 

諗到呢度，我就打開櫃桶檢查下盒新買既DOM DOM。 



就係我CHECK緊既時候，阿LING用鎖匙開門入左黎。 

「我黎左嘞！」 

阿LING 一關門就歡天喜地咁行過黎，一手甩左背囊係我張床度，就坐左係我大脾上面，雙手繞住我條頸，大力咁啜左我面一啖。 

跟住佢眼光就睇到我個打開左既櫃桶同埋一盒包裝都未開既DOM DOM。 

「嘩，何家俊，十二包裝，你想一次過用晒呀？」



 阿LING笑笑口咁問我。 
                                    
「平啲丫嘛。」 我扮無奈咁答。 

阿LING捏左一捏我個鼻，同我講： 「咸濕仔！實同你做架？」 

講完佢彈左起身，轉身始行去門口。 

「喂，無見左成個禮拜啦，唔做都一齊食飯先啦。」  



 我表現出一副誠懇既態度，但心裏面就諗，唔係又要打飛機嘛？    

阿LING 轉個側面： 「傻仔，我去廁所咋！」     

廁所係近門口果邊，宿舍係雙人房，但廁所就同隔離房SHARE，用既時候就要LOCK兩邊門。    

「係喎，張子樂呢？」阿LING 問。   

張子樂係我同房，我同佢唔係好啱傾，但佢知我有約都會通氣既。 

「佢去左肥波度吹水。」我答。 

「OK。」阿LING推門入廁所，臨關門之際，佢話：「係呀，你之前話想搵果幾隻CD，我抄左MP3比你，隻手指係背囊前面個細袋度。」 

我聽到佢閂門既水聲，就伸手摷佢個背囊，摷左一陣，有兩條手指喎大姐，邊條呀？ 



求其啦，我插左其中一條入電腦，QUIT左個GAME，反正都係練緊釣魚。 

打開個FOLDER，就見到啲好有趣既FILE名。   

素人笑顏面接、素人笑顏輪姦、素人笑顏連逐潮吹……都有七、八個FILE。       

全部都係影片黎既？   

丫，死妹丁原來咁咸濕，睇AV？ 

我原本已經伸手想轉過隻手指，快啲得到我想要既MP3，但係我既好奇心戰勝左。 

等我睇下你睇乜野片先。



DOUBLE CLICK。 

在螢光幕上出現的影像完全嚇傻左我。