《我老婆唔係我女朋友》【那些年／學界比賽／真人】 第四章至六章: 【第六章】 王教練的賽前部署（１）
王教練的賽前部署
兩天後，Leon約了參加接力賽的另外兩位隊員，打算在學校泳池預習，練習一下接力賽時的默契，兩位隊員都是今年Year 1的新鮮人，一個讀SOCI，一個讀Journal的。
兩位仁兄都聲稱是前中學校隊成員，已經停了一段時間沒有再練水了。由於Leon要求眾人參賽的目的，都是「圍威喂」濫竽充數而已，所以大家都是隨便試試接力時觸池的時機和反應，也就各自打道回府了。
Leon隨後每人派了一件「頹Tee」做隊衫，聞說是賽會要求喎。話說兩位新鮮人都是「校隊」的級數，而Leon就更榮登「先進組」的標準，看來我們這場接力賽，都是大家累鬥累，不過我卻可以順便用來熱身兼試水溫了，哈哈。
在我們去泳會練水的人眼中，中學「校隊」之流都只是初學者，是沒有經過正式操練的業餘人士。還記得PE仔體育阿Sir去上泳課，在我們眼中是甚麼貨色嗎？佢哋有幾勁，大家心照啦。
（拜託大家不要再討論「破冰轉身」、「繞流泳法」等等等等，現實世界有呢啲神技就唔使日日練到隻狗噉啦～高米高都唔使做療傷生意。但兩條潮汕阿直真的同嗰套膠劇有啲淵源，希望日後有機會講到。）
由於星期六我們都參加了暑假班，因為點相計分的關係，Leon就幫泳隊向SAO（學生事務處）申請事假，以參加水運會為豁免上課的理由，但阿心就一定要返學上課了。