《我老婆唔係我女朋友》【那些年／學界比賽／真人】 第四章至六章: 【第六章】 再調教我女友（３）
如果要升級上「終極」版，都唔係次次得㗎，必須要T-Shirt先決，要佢件衫鬆身同無攝衫，然後將頭枕的位置稍微貼著她小腹，透過她T-Shirt下擺向上窺看（其實我都是向上直視啫）。
WOW～無限春光在後山呢，密實姑娘有我一人獨佔的真性感；小肚白皙的嫩膚，玲瓏可愛的肚臍仔，結合蠻腰零贅肉曲線，隨著說話時的呼吸慢慢起伏，已經讓人神為之奪；從低角度仰望雙峰，雖然只看見擦邊南半球，可近在咫尺的搖曳蕩漾，強烈地刺激著眼球；唏，咪諗多咗，佢點會真空呢，只是樸素慳家的她不會穿「維多利亞小秘密」啫，不過雖是普通的少女褻衣，輕薄透凸的質料有時是誘人的粉紅色，有時是無暇的純白色，誒…有時都有大姑媽款蝦肉色的…但那若隱若現的視覺震撼，已經令人目眩魂搖，試問有乜可能再分心答話呢。
所以話至高境界的「終極膝枕」，是糅合了觸覺、嗅覺和視覺享受，三者缺一不可。
然而以我條囡咁鬼靈精怪，點會任你「𥄫」咁順攤吖，一旦被佢發現心不在焉或神情呆滯就大檸樂了，保證你睇動畫時無想像過，玩「膝枕」都會有咁陰騭的場面出現。