《我老婆唔係我女朋友》【那些年／學界比賽／真人】 第四章至六章: 【第四章】 重操故「孽」（３）
參加荔閣泳會的多數是附近屋邨的小朋友，本身都是同學或街坊，大家的關係相當密切，因此縱然規模和資源都稍為遜色，人情味濃卻是這個泳會的優勢，要知道游泳訓練其實是機械、枯燥、艱苦和孤獨的，如果沒有同聲同氣的朋友共同參與，可能很快會失去興趣。假如當天不是有個癲佬教練「鼓勵」和認識了一班如Leon的朋友，自己都可能一早放棄了。
成班細路有時會帶埋功課踎在泳池門口，在等候入場時席地而做，我無聊時又會幫忙「義診」，兼任功課指導和排難解紛，間中他們的老師收工或路經去深水埗公園時又會對他們咿哦吓，總之日常成個場境都相當「獅子山下」。
話說嗰啲綁馬尾、著OL裙又穿黑絲的輕熟「搣時」（Lulu八畀我知當年學校的「行規」，只准氣溫10度以下才可以穿褲的），星期一的豐滿，星期三的修長，星期五的曲線，應有盡有之餘兼夾係索到啪啪聲，搵日叫啲細路幫口，問問佢哋練唔練水，嘩～水著、輕熟、女搣時、馬尾…一次過滿足晒N個願望。