《我老婆唔係我女朋友》【那些年／學界比賽／真人】 第四章至六章: 【第四章】 教練 總是肥佬呢（１）
教練 總是肥佬呢
次日黃昏跟老媽交代一下就出門了，她有點奇怪我無端端又去練水。戴著耳筒，揹著練水袋，腳踏人字拖上了6D巴士，感覺好像回到以前中學時代，放學回家換件衫又仆出去練水，只是今天去的泳池不同了，有點不真實。
去到麗池（正確名稱是深水埗公園游泳池）門口，有十數人在等入場，麗池因為是暖水池，冬天也照常開放，所以在當年是泳會訓練的集中地；近年有個老來得子（還是得女呢？唔清楚亦唔想知）的黃姓電視藝員，束馬尾經常扮演探員的，兼任游泳教練，又兼任泰拳教練那個呢，他年輕時也在麗池打躉的，回憶起當年他是另一字頭的（泳會），我跟他無兩句，頂多也算是點頭之交而已。
順利在泳池門口找到了黃幼軍，四十多歲的中佬，五短身材但肩膀手臂卻異常粗壯，身穿背心的他肚腩大過籃球，枯黃的短髮如雜草生在圓頭上，他比我還矮半個頭，外表草根，似個賣生果的多過游泳教練，睡眼惺忪、表情輕鬆貌似相當和氣。
我禮貌地向他打招呼：「黃教練你好，我係阿仁，阿直叫我嚟搵你㗎。」
肥佬笑嘻嘻的說：「呵，阿兄（潮汕話「阿哥」的意思）昨晚打嚟泳池搵我，仲以為乜嘢事，原來係你呀。」