交友app日記: Hazel

返到屋企之後，我就打開電腦入discord諗住搵阿軒打機。

我：「喂，阿軒。搞緊咩啊！」

沉靜咗幾秒之後，阿軒：「屌。你條友成日去咗邊撚到啊。我有緊要事搵你啊」

我：「又搞咩吖。你又打apex上唔到分要搵我carry啊？」

阿軒：「收皮啦你。我洗鬼你carry。」





我：「咁咩事吖。」

阿軒：「Er…我哋班個hazel啊。」

佢講都未講完，我即刻話：「喔！你鐘意咗人。」

阿軒：「屌，你細聲啲啦。」

我：「驚鬼咩。成個dc得我哋兩個。」





我：「咁你幾時表白吖。」

阿軒：「我諗住遲啲先表白，希望關係再進一步先。」

我：「仲進一步？你哋都識咗三年啦。再唔去馬就無啦。」

阿軒：「但係我哋宜家只係朋友，未到表白嘅時候。」

我：「頂。由細到大都咁撚細膽。得啦一世人兩兄弟，等我做你哋嘅月老。」





阿軒：「咁我下半世幸福就靠你啦。走先。」

我：「wtf!一鋪都未打就走。」

我講都未講完佢就走咗。

我打咗幾鋪apex冇乜癮我都退出咗dc去做功課算。