交友app日記: 混血絲

成晚我都好緊張聽日嘅見面，搞到我係張床到攤咗好耐先瞓著。為咗避免聽日瞓過龍，我仲set咗兩個鬧鐘。

叮…….叮………我即刻彈咗起身刷牙同食早餐。為咗比一個好嘅印象比佢，我仲專登襯咗衫同梳咗個靚頭。平時嘅我出街都好隨便，就算係之前同曉霖出街都好，我都好少會去做呢啲嘢。可能呢個都係其中一個佢同我分手嘅原因。

轉眼間己經到咗12:30，雖然我屋企去旺角只係20分鐘嘅路程，但係第一次同女仔見面就要人等都唔係幾好嘅，所以都係早啲去等啦。

一出到去，我即刻send訊息比佢：「我出咗門口啦，你出門口未。」

混血絲：「著緊鞋啦，好快出門口。」





我：「等陣係邊個出口等。」

混血絲：「TOP嘅出口等。」

我：「你等陣會唔會認唔到我㗎。」

混血絲：「應該認到嘅。不過，我今日帶咗眼鏡。」

我：「你平時帶con咩。」





混血絲：「係啊。不過，今日又唔係出街玩，所以費事帶。」

我：「我都唔帶con。」

混血絲：「唔緊要，我都唔係外協。」

我：「乜帶con靚仔啲咩。」

混血絲：「唔係嘅，都係睇樣啫。」





我：「話說既然你都有經濟，等陣如果有唔識可唔可問你。」

混血絲：「都可以嘅，不過你要比返啲英文題目我先識喎。」

我：「咁我都時上網搵啲英文題目比你睇下。」

傾傾下，我己經到咗TOP嘅出口。我：「你到邊啊，我到咗。」

混血絲：「太子。」

混血絲：「我到咗啦，你係邊個位。」

我：「我係車站控制室前面企住。」

我留意住附近，睇下有冇女仔行過嚟。過咗一陣，我見到一個都幾高同帶住眼鏡嘅女仔行過嚟，應該就係佢。





混血絲：「Yo」

我：「hi」其實我有少少緊張，緊張到講嘢有少少震。

混血絲：「你今日諗住做到幾點。」

我：「今日星期日自修室好早就閂啦。我諗做完啲經濟就差唔多時間。」

混血絲：「係喎，你平時洗唔洗補習㗎。」

我：「淨係補英文囉。」

混血絲：「唔洗補其他科咁好，你其他科好叻咩。」





我：「唔係啊，只係英文特別廢。」

混血絲：「咁你英文係邊到補啊。」

我：「X思，你有冇聽過。」

混血絲：「咁啱嘅，我嚟緊可能都會去個到補數。」

我：「你係邊間分學補啊。」

混血絲：「太子」

我：「我都係。」

混血絲：「不過，我下星期先去試堂。」





我：「咁你數學成績點。」

混血絲：「我最差係數學科。」

個下我開心咗一秒鐘，因為數學係我最叻個科。不過，佢之後補咗句：「得70分左右。」 頂，我最叻個科數學嘅分數對佢嚟講竟然係最差嘅分數，夠竟佢其他科有幾高分，我真係同佢講我肚痛想走先。

我哋行咗十分鐘左右就到。好好彩，今日雖然係星期日，但係都仲空位。我哋搵咗個二人位就開始做嘢。