交友app日記: Candy完

Candy:「唔係啊，做咩突然咁問。」

我：「我見你topic寫住搵人去OP，我諗住你好鐘意去。」

Candy:「我唔係特別鐘意囉。不過，我成日都免費飛，所以未去囉。」

我：「咁你唔搵啲fd陪你去。」

Candy：「我啲FD好多都有仔唔得閒陪我去。而且，如果我搵佢哋陪我去，佢哋可能帶麻自己條仔嚟。我費事做電膽啦。」





我：「你啲fd咁重色輕友嘅。」

Candy：「個個都係咁㗎啦，可能你遲啲都會。」

我：「唔會囉。咁既然冇人同你去，我陪你去囉。」

Candy：「遲啲再算啦。我近排要考試，而且我同你先傾得一兩日，傾多陣先啦。」

我：「下 你要考試仲話要搵人去OP，我以為你真係想搵人陪你用咗啲飛添。」





Candy：「我都想用咗啲飛佢，但係冇理由咁快就見面㗎。」

我：「咁你覺得要傾幾耐。」

Candy：「唔啦 你好chur。」

我：「？」

因為我唔知道chur係點解，所以先比咗個問號佢。但係，之後佢都冇再覆過我。我上網睇返先知道chur嘅意思係迫得佢太犀利，睇嚟我表現得太盡取。下次應該要收斂啲。





估唔到我嘅第一次咁快就完咗。我以為今朝嘅夢境可以成真添，總之唔好咁chur佢啦。咁就浪費咗個機會。

冇辦法啦，easy come easy go，為有繼續㩒啦。

之後個幾日，我每晚都瘋狂係到玩HMD，但係都搵唔到一個好似candy咁好傾嘅女仔。有啲係真係幾好傾嘅，不過個樣就唔係幾啱囉。都有啲又好傾有啱樣嘅，不過換咗相之後個人就消失咗。點解會咁我就唔講啦，呢啲傷事都係唔好提。有一個仲衰，我咁難得肯換ig，但係換咗冇幾耐佢就block咗我ac。我頂佢個肺，唔鐘意未unfol囉，洗唔洗block啊。

中文老師：「黃子諾，同我企起身罰企，做乜上堂瞓覺啊，你琴晚做賊嚟啊。」

屌，呢幾晚掛住係到㩒都冇乜點瞓過瞓，宜家冇精神上堂添。

我：「唔係啊，我琴晚溫咗成晚中文先唔夠瞓咋。」

中文老師：「聽你咁講，睇嚟呢一課好熟啦。」

我：「咁又唔係。」





中文老師：「咁你就企好啦。」

叮噹叮噹。終於放學可以坐低走人。

阿軒：「你搞咩啊，堂堂都係到瞓覺嘅。你夜晚有嘢happy啊。」

我心唸「我未就係搵緊人happy囉，不過搵唔到啫。」

我：「happy你個頭啊。臨瞓前睇咗陣YouTube未遲咗瞓囉。」

阿軒：「就係咁簡單。」佢用一個好猥瑣嘅眼神望住我。

我：「都唔知你諗緊咩。唔好講嘅多嘢，等陣去seven買罐咖啡提神下。」





返到屋企之後，我嗱嗱聲做哂啲功課就繼續玩HMD。我今日一定要搵到一個長傾，搵唔到我就唔瞓覺。

我一打開個app我就見到有個標題好吸引我——「04混血絲 非外協」 我望到就緊係即係㩒佢啦。因為係我嘅認知上都覺得混血嘅女仔個樣都唔差，而且佢仲要唔係外協，真係好難得。不過，佢冇accept我。但係，我邊會咁容易放棄啊，所以我就㩒咗佢幾次。終於，佢accept咗。