我接通了來自陰間的電話: 第九節

「真係發生左？同我個夢一樣？我係咪做左殺人兇手？」已分不清是內疚，傷感或是恐懼的眼淚，我只是一直的在哭。
 
他們的死是因為我嗎？
 
由於現場塞車再加上意外，車廂內的人紛紛離開並走到其他位置改乘其他交通工具上班。
 
看著消防員和救護員在積極救人，我的內心不禁一沈。
 
我在附近上了一架的士之後，便乘車離開，離開之前我還向著意外的方向跪拜了三下，這是唯一我可以做的事情。
 




「鈴……鈴…….」電話的鈴聲響起，我看一看，來電者是傻強。
 
「喂！」
 
「你有冇事呀？新聞話你搭開班車遇上左交通意外喎！」傻強緊張地說。
 
只是簡單的一聲問候，可是當感覺到還有人在著緊自己，感覺其實好幸福。
 
「冇事，我唔係坐嗰架車，不過我返工會遲到，你幫我同老闆講聲啦。」
 




「好啦，咁轉頭見！」
 
我深呼吸了一下感受著生命的氣息。
 
死亡，我從來都沒有想過，起身返工食飯瞓覺彷彿是一件必然的事，如果下一分鐘我就要死，我此生有憾嗎？
 
做了三十年人，我究竟為社會做過咩？
 
「先生，到啦！」的士司機說。
 




回到公司便馬不停蹄的在工作，由於我工作的地方午餐時間要分兩個時段，所以直至收工我先可以見到傻強，於是我相約傻強在公司地下大堂等，因為有一點事我今晚一定要弄清楚。
 
很快便到了放工時間，我亦準時的在大堂等待傻強。
 
「喂！天佑，你冇事呀嘛？我見你精神唔係太好，係咪今朝嚇親？」傻強走過來說。
 
「冇事，我想你同我去買閉路電視。」
 
「吓？買黎做咩呀？係咪關於你昨晚講既鬼怪事呀？」傻強不解的說。
 
「係，講你都唔信，我唔知係咪撞鬼，我唔見左個手提電話，於是用屋企電話打返俾自己，點知竟然有人聽，而且仲有一把好恐怖既女人小孩聲話我終於搵佢地，之後起身我又唔知點解瞓左响地。」在我說完的時候，我發覺我已經雞皮疙瘩。
 
「吓？咁恐怖，聽落去你好似真係撞鬼喎！」傻強說。
 
「係，仲有就係我昨晚發夢夢見到今日巴士既意外，本來我就係坐嗰班巴士，不過發左個夢之後，我冇上到改為坐下一班車，咁我先至冇事。」




 
「咪即係死神來了？」
 
「我而家唔知我係撞鬼定係點，如果真係撞鬼，咁我昨晚所發既夢係咩意思？鬼唔係一般都係害人既咩？仲有電話裡面有把女人小孩聲所講我終於搵到佢地又係咩意思？」
 
「但係你而家去買閉路電視都冇用架？再講，如果真係撞鬼，你自己一個都唔知成件事點處理！」
 
「我諗至少搞清楚返一樣野先，就係點解我一早起身會瞓左响地下，仲有屋裡面所有既野都亂晒究竟係邊個整既。」
 
「咁我地去啦，順便上埋去你屋企裝埋佢啦！」
 
於是我們便乘地鐵往深水埗購買閉路電視。