嗰一晚，我用口罩搞咗個人妻: 搶走條屍

他頓了一頓，續道：「不過據我哋情報員回報嘅資料嚟睇，佢哋已喺FK軍港集結，故此推敲狼性將利用軍艦為掩護，喺經過往太平洋海峽時發動突襲，相信好快便會有所行動。」

阿儀聞言，眉頭緊鎖道：「呢度係日本地方，佢哋敢亂嚟？」

那女性高層搖頭道：「你應該知道自從C國武鬥派抬頭後，已暗中喺外國多處進行過大大細細嘅軍事行動，更有幾次同我哋嘅分部衝突，更何況意外地成為實驗體，仲要係現時唯一存活嘅，因此無論係阿賢，定係佢體內晶體對佢哋研究新世代藥物都相當重要，所以佢哋先至會不惜動武，縱然唔能夠活捉阿賢，都要拎走佢條屍。」

羅太聞言即嚇得雙手掩面，想不到自己的兒子竟會惹來殺身之禍！

高層乙瞪了女高層一眼，似怪她說得太直白後，才道：「不過羅太又唔使擔心，話晒呢度係組織嘅亞洲基地，佢哋唔敢太明目張膽嘅，問題係醫院雖然係組織設施，但防御工事並唔多，對於中型或以上嘅軍事行動，基本等於零防守，因此先至想醫生盡快做手術，以求盡快轉移病人。」



主診醫生點頭道：「咁我同團隊即刻開會，安排聽日中午就做手術。」

＜待續……＞