嗰一晚，我用口罩搞咗個人妻: 驚會蝕底

阿麗盯了阿儀一眼後，便跟阿玲道：「你記唔記得我問過你一個問題？就係如果有日發現阿賢有老婆嘅話，你會點做。」

阿玲苦笑道：「我記得，我話會畀阿賢做選擇，如果佢唔鍾意我嘅話，我會離開。」

阿麗笑道：「咁咪得囉，最怕係有啲人想趕你走啫。」

阿儀聞言便怪眼一翻道：「你唔係講我呀？我接受得婉姐，自然會接受其他阿賢鍾意嘅女人，但卻討厭一啲成日單單打打嘅女人囉。」

阿麗正想還擊，卻被阿玲摟着她的肩，搶着道：「儀姐，阿麗係驚我受委屈，先至成日針鋒相對，佢性格唔係咁㗎。」



阿麗不滿道：「你做乜要討好佢啫，同埋點解嗌佢阿姐？佢做大，你做細呀？你嗯……你做乜揞住……」

原來阿玲不願阿麗的話，加深跟阿儀的矛盾，便掩着她的嘴的同時，跟阿儀道：「佢份人係咁㗎，成日驚我蝕底。」

阿儀拉過一張椅子，坐到阿玲的面前，瞥了阿麗一眼後，才跟阿玲微笑道：「你哋關係肯定好好㗎喇，其實我同婉姐都係一樣，雖然我識婉姐嘅時間冇你哋之間咁耐，但呢大半年朝夕相處，既要解決羅阿姨、凌哥一家等嘅問題，又要追尋阿賢下落，慢慢我哋就成閨密，亦係我喺組織中最一個女性姊妹，所以我好羨慕你哋之間嘅感情。」

＜待續……＞