嗰一晚，我用口罩搞咗個人妻: 唉呀頭痛

阿賢無奈道：「我真心唔知發生乜嘢事，我都係頭先至知自己有兩個老婆……我都唔係好肯定佢哋係咪我老婆嚟添。」

事實上，阿賢雖不肯定是否已跟婉姐和阿儀結婚，但從腦海中約會、談情、做愛等的零碎片段中，卻肯定兩人跟自己必定有相當親密關係，故此這番話並非謊言。

不過阿賢卻低估了阿麗的智商，當聽到阿賢的話後，她便揪出對方話中的盲點，道：「咁你即係肯定佢哋佢哋係你條女啦！講！你幾時記得返嘅！」

阿賢高舉雙手道：「我都係同你哋，喺同一時間知㗎咋。就係遇上佢哋之後，個腦突然湧現一啲片段出嚟，跟住我就……我就……哎吔，我個頭有啲痛……好痛。」

見到阿賢雙手掩頭蹲在地上，阿玲即情急地問：「你痛成點呀？我……我……我去問婉姐有冇藥，阿麗，你睇住佢先。」說完她便跑了出船艙。



原來婉姐剛才見阿賢牽着兩女的手，便知道他有好一番悄悄話要說，又知此刻的阿儀需要自己在她身旁，故此便知機地悄悄退了出去。

阿麗蹲在阿賢身旁，將他輕輕擁進懷中道：「不如我扶你去床上休息下？」

阿賢點了點頭後，便在阿麗的攙扶下躺上了床。

＜待續……＞