嗰一晚，我用口罩搞咗個人妻: 點解咁毒

「等陣至收拾你，哼！」雄嫂回頭跟阿賢等3人笑道：「好彩你哋Call我哋早，否則我哋就返西貢，短時期都唔會出嚟市區㗎喇。你哋打算去長洲度假？去得咁急嘅？」

「雄嫂，其實係咁嘅，因為我收到風，話嚟緊政府將會有封區行動，情況唔係咁樂觀，而為咗避疫，我咪同佢哋暫時搬去長洲住囉。雄嫂，你同雄哥冇乜事就唔好周圍去喇。」阿玲道。

「情況咁嚴重？」雄嫂一臉憂心地問道。其實她也難免會擔憂，因為她部份兒女也住在市區啊。

「我哋就係收到有關內部消息，先至決定搬到離島住。為安全計，你哋最好準備定足夠嘅藥物，始終呢隻病毒嘅致死率幾高。」阿玲道。

雄嫂聞言便跟雄哥對望了一眼，憂心之情溢於言表。



見雄哥夫婦如此，阿玲忍不住又道：「不過你哋放心，只要捱得過呢段時期，好快就能夠過返正常嘅生活。」

「點解呢？」阿麗和雄嫂異口同聲問道。

阿玲清了一清喉嚨道：「因為我讀護理學時，都學過關於病毒嘅內容。病毒其實都係生物，都唔想宿主病死，否則佢自己亦會滅亡。為咗生存，佢哋反而想令宿主長命啲。」

「既然係咁，點解依家隻武肺病毒殺傷力咁大？」阿麗不解地問。

＜待續……＞