嗰一晚，我用口罩搞咗個人妻: 封區行動

「不過你間醫院咪一直同疫情工作冇關係嘅咩？」阿麗邊走向房間邊問道。

「本嚟係冇關係嘅，但你哋知家陣係唔講規矩㗎啦，更何況依家個疫情真係唔係咁樂觀，日日幾十宗又話有變種，我哋呢種醫院又點可能完全置身事外呢？」阿玲無奈道。

換上新衣服的阿賢坐上沙發，將阿玲摟到懷中道：「唔使擔心嘅，其實講到底都係免疫力嘅問題，最根本都係喺免疫力度入手。」

「話係咁講，但……咦？封區行動？」阿玲看着聊天APP傳來的訊息詫然道。

原來阿玲的聊天群組中，有人透露收到行動集合指令，猜測將會有香港首次的封區行動，而她的推測亦獲得群組內其他人的證實，稱他們也收到同樣的指令，要在短時間內提供支援服務。



此時，突然有人在群組中留言：「確認！封區目標係佐敦嘅舊樓區！」跟着其他人便紛紛留言，討論為何要封佐敦這區。

有人便道：「據部門官稱嗰度有十幾宗懷疑垂直傳播嘅個案，係重災區嚟。」

只是這說法，很快便被一位組員反駁道：「其實根據內部資料，呢個區域感染人士唔係最多，官宣同數據有出入呢，直覺上可能另有所圖。」

雖然這段文字很快在議論紛紛被刷走，但仍逃不過阿賢和阿玲雙眼。

＜待續……＞