嗰一晚，我用口罩搞咗個人妻: 嬲嬲跺腳

「咁聽晚等我煮飯啦，你哋可以慢慢準備一下。」阿玲望着阿賢甜笑道。阿麗見她一臉花痴神情，便掩額嘆道：「唉，我做直播咁耐都唔見你幫我煮晚飯，依家反而咁積極，仲話係好姊妹，好閨蜜，真係唔公平呀！」

聽到阿麗醋味十足的一番話，阿賢左右各握一女的手認真地道：「我知你哋都對我好，我發誓以後一定會好好照顧你哋。」

阿麗聞言便縮手道：「我唔使你照顧我，你好好照顧阿玲就得，想照顧我嘅男人都唔知有幾多，我至唔稀罕呀。」

阿玲不理阿麗，迷醉地看着阿賢甜笑道：「你記得你個誓言至好呀，否則我到時唔放過你。」「點唔放過我呢？」阿賢反問。「我會一直纏住你，纏到你冇辦法識其他女仔。」阿玲笑道。

「嘩，咁恐怖呀？放心啦，你趕我都唔走。」說完，阿賢便吻了阿玲手背一下。



看到兩人閃度爆燈的對話，阿麗佯吐道：「好喇，你哋返嚟再煙韌啦，阿賢仲未換衫㗎。」阿賢這才依依不捨地放下阿玲的手，卻在走回房間前，快速地吻了阿玲臉頰一下，然後邊壞笑着邊走回房間，留下俏臉通紅的阿麗在用力跺了一跺腳。

這天阿玲請了假，除為了帶阿賢去上班外，更因早上接到雄哥的電話。當聽到雄哥昨夜在遊艇上發生的事後，阿玲擔心來者不善的同時，直覺告訴她那兩個女人，跟阿賢關係匪淺，如果讓阿賢重遇兩女的話，感覺會被她倆帶走。

＜待續……＞