嗰一晚，我用口罩搞咗個人妻: 想食炒蝦

「你見過我？我冇印象喎。你幾時見過我呢？」阿賢抓了抓頭反問。

「唔……我諗係記錯。講返正題，你哋有乜嘢唔食或唔食得嘅呢？」雄哥回頭問兩女。

「喂喂，雄哥，點解你唔問我？你分明係重女輕男喎。」阿賢抗議道。

「咁梗係啦，正所謂人有愛美之心，兩位都係靚女，我梗係照顧佢哋啦。至於你嘛，咁你想食乜吖？」雄哥裝出無奈的樣子問。

「我想食美極炒蝦。」阿賢道。「唔好意思，冇美極。」雄哥道。「我想食豉油王炒蝦。」阿賢又道。「唔好意思，冇蝦。」雄哥又答。「我想食豉油王炒蜆。」阿賢再道。「唔好意思，冇豉油。」雄哥再答。



「有冇搞錯咗呀？竟然冇豉油？」阿賢笑問。雄哥聞言亦笑道：「有，只係唔想整畀你食啫。兩位女士，你哋食唔食美極炒蝦呢？」

早已笑得花枝亂顫的兩女，邊大笑邊點頭道好，而阿玲擦了擦笑出的淚水後，問雄哥：「你頭先唔係話冇美極咩？」

雄哥聞言便正容道：「有美極，點會冇美極呢？邊個話冇美極？我阿雄從來唔呃人嘅。」

＜待續……＞