嗰一晚，我用口罩搞咗個人妻: 這是背德？

此時阿麗不知從那裏拿出紙袋，遞了給他並道：「我早知你大頭蝦喇，所以我同阿玲夾份買咗套西裝畀你，你試下啱唔啱。快啲呀，我哋唔等你㗎。係嘞！買西裝係阿玲提議㗎，你要多謝嘅話，就多謝嗰個儍妹啦。」

阿賢將衣服拿回雜物房去，換上後發現剪裁相當合身，心中不禁大讚兩女果然細心。此時，他卻瞥見雜物房內卻掛着兩套西裝，跟自己那套比對了一下後，發現尺寸差不了多少，心中不其然生出甜絲絲的感覺。

為何阿賢會覺得甜絲呢？因為他知道掛着的西裝，是屬於阿玲前夫的，而阿玲哪會不知道前夫的西裝應適合自己着呢？卻仍然跟阿麗一起買了套新西裝給他，意思便是表明心跡，沒有把阿賢當成是前夫的代替品。

可是戀愛感覺湧起一刻，阿賢心中卻同時湧起一股，恍如做錯了事的背德感，感覺便如出了軌一樣！

「點解會咁嘅？唔通我已經有老婆？冇理由嘅。如果有老婆都係得一個啫，但我感覺又好似唔止一個喎……唉！越諗越頭痛。」阿賢心想。



「啪啪」的敲門聲響起，正好打斷了阿賢的思緒，只聽到阿玲在門外溫柔地問：「你換好衫未呀？」

阿賢尚沒回答，已聽到阿麗笑道：「你使乜咁溫柔呀，應該咁講：『出得嚟未呀！趕時間㗎！』哈哈。」

阿賢忍不住笑道：「衰婆，等多陣啦，你去屙個尿先，咪等陣上車又話急尿。」說完便開了房門，卻被阿玲的服裝震撼了！

＜待續……＞