嗰一晚，我用口罩搞咗個人妻: 為嫂報仇

「不過奇怪嘅係三嫂嗰次快快咁同我講完後，過咗幾個星期再見到佢時，佢就話從來冇咁同我講過。另外，有次滔哥飲大咗後同我講，話佢知道邊個做嘅，之後我再問佢，佢話完全唔記得有咁講過。不過從佢眼神中，我睇得出佢有嘢瞞住我囉。」阿麗道。

「聽你講，佢哋應該知道乜嘢人做嘅，但又驚對方嘅身份同勢力，只好扮晒乜都唔知囉。」阿賢道。

阿麗雙手托頭道：「我真係好想幫二嫂報仇，用嚟報答滔哥以前對我嘅照顧。」

「以前邊個照顧你呀？你係咪講我呀？」大門被推開，原來是阿玲回來了。

「我係話滔哥呀，我哋傾起二嫂件事呀。」阿麗跟着把剛才的話重概括地說了一下。



阿玲跟阿賢說：「當時我都有搵醫生朋友，研究從二嫂屍體內偷偷抽出嚟嘅細胞組織，只係佢哋卻對結果相當奇怪……」

「咦？你頭先咪話三嫂拎唔到啲組織嘅？」阿賢抓着頭問阿麗。

「你呀，都冇聽清楚人哋講乜，我頭先係話三嫂想再一次抽組織呀，阿玲拎畀醫生做化驗嘅係第二次偷出去嘅細胞組織嚟。」阿麗跟阿賢解釋。

＜待續……＞