嗰一晚，我用口罩搞咗個人妻: 真心鍾意？

不知不覺間，兩人的手便握在一起。

「咳……」兩人轉頭一看，才發現阿麗不知何時已站在他們身旁。嚇得阿玲想抽回左手，卻被阿賢右手緊緊握着。

阿玲滿臉通紅地羞道：「我諗你今日冇直播，應該唔會咁早起身嘛。」

阿麗笑道：「如果我唔係突然急尿，就唔會見到有個姣婆，含情默默咁望住心上人，連姊妹都唔放喺眼內，仲要晨咁早就煮埋早餐畀人食。唉，同居咁耐，用炒飯做嘅早餐固然未試過，為我做早餐更係一隻手都數得出囉。」

「個早餐……」阿玲正想說是阿賢做之際，左手被阿賢輕輕一握，示意她不要說出來，於是阿玲便改口道：「我頭先落街買㗎，你既然起咗身就一齊食啦。」



「唔好喇，費事打搞你哋撐枱腳啦。」阿麗說完便瞄了一瞄阿賢，看他有甚麼反應，卻想不到他只是一味看着自己傻笑。

「唉，佢又變返傻仔喇。」阿麗搖頭說道後，便拉開椅子坐了下來。

阿玲遞過一套碗筷後問阿麗：「咁佢變返做傻仔，你會唔會唔鍾意佢呢？」

阿麗認真地想了想後，便道：「如果你早幾日問我嘅話，我只會話當佢係逢場作戲嘅男人。不過經過呢幾日，發現佢個人都有可取之處嘅，雖然傻仔時係討厭啲，但正常嘅時候又……又……」

＜待續……＞