嗰一晚，我用口罩搞咗個人妻: 我失憶㗎

「你依家梗係可以講到天花龍鳳啦，到有事時你唔走頭至講啦。」阿麗冷笑道。

阿玲怕難得熱絡的氣氛再次弄僵，便拉着阿麗的手溫柔地道：「我相信阿賢唔係咁嘅人嚟。」

「如果佢喺外面仲有幾個女人呢？」阿麗認真地問。

阿玲想也不想便答：「我唔介意，只係介意其他女人係乜嘢人。」

「傻婆，你無謂為咗呢條友，搞到自己咁Cheap吖。」阿麗沒好氣地說。



「你唔明㗎喇。其實呢幾年我睇化咗，唔再硬迫自己遵守一對一嘅感情關係。如果同對方相處嘅過程係開心嘅，就算佢有幾多個女人都冇所謂。當然，佢亦唔可以規管我有幾多個男人啦。」阿玲說完便轉頭望了望阿賢。

阿賢覺得她說得實在太有道理，忍不住拍起手道：「講得啱，實在太偉大……哎吔！」

「啱你老味！你喺外面係咪有其他女人，講！」原來兩女不約而同，狠狠地拍了他腦袋一下後便齊聲喝問。

「我點知喎！嗚……我失憶㗎！」阿賢口中雖這樣說，但腦海卻又泛起那兩道，既陌生又熟悉的倩影。

＜待續……＞