嗰一晚，我用口罩搞咗個人妻: 厚肉好味

「你唔好睇喇，快啲坐低開飯啦。」阿玲為阿麗拉開椅子道。

阿麗坐下後，瞄了阿賢一眼道：「估唔到你個傻仔，居然都識得煮飯喎。等我試下啲餸，係咪虛有其表先。」

說完，她便拿子筷雙，夾了一件煎釀冬菇，才放進口已禁不住大叫：「嘩！好味呀！」

「點好味法呢？」阿賢解下圍裙後坐下笑問。

「冬菇厚肉又入味，正！咦？點解可以咁快浸淋啲冬菇嘅？」阿麗大惑不解。



阿賢笑道：「呢啲係秘技，以後再講你知，嗱，試下呢件漢堡扒……」

「我有份剁啲牛肉㗎。」阿玲指着自己邀功道。

「嗯，嗯，肉汁豐富，juicy到爆，好食！阿玲嘅剁功原來咁勁㗎？」阿麗笑道。

阿賢正想答話，卻被阿玲在桌下用力踢了一下，痛得他不敢做聲。只聽阿玲猛點頭道：「估唔到呢？」

「咦？點解唔提碗湯呢？」阿麗邊勺湯邊問。阿賢和阿玲對望一眼後便尷尬地同聲道：「湯係我哋喺樓下買嘅。」



＜待續……＞