嗰一晚，我用口罩搞咗個人妻: 呢啲叫愛

阿賢不理阿麗的話，便將浴缸內的穢水排走邊道：「我記得有次去老人院做義工時，見到有個80幾歲嘅伯伯，幫佢患有老人癡呆症，長期瞓床的老婆，換尿片同清理床上嘅便溺。」

阿賢邊用毛刷刷着浴缸內的洗潔液，邊續道：「我問伯伯點解唔叫老人院嘅護士做呢？伯伯笑住同我講，佢老婆唔認得人，只係認得佢。如果其他人幫佢換尿片，佢會嗌非禮，如果見到佢床上嘅便溺，仲會發狂咁鬧人㗎。」

「我當時問伯伯：『咁咪好麻煩囉。』點知伯伯話梗係唔會啦，反而好開心添。伯伯當時話：『佢係因為記得我，知道我係邊個，先至放心畀我睇到佢最醜嘅醜態啫。試問有邊個女仔，願意畀人睇佢瀨乜㗎。』當時我真心唔明，只係依家我明點解。」阿賢看着阿麗道。

阿麗不解地問：「點解呀？」

「係愛呀。」阿賢笑道。



「哼！邊個對你有愛呀！」阿麗翻起白眼道。

「你有冇諗過，老咗嘅時候，會有個好似伯伯咁嘅男人照顧你呢？」阿賢邊在浴缸灑上消毒藥水邊問道。

＜待續……＞