嗰一晚，我用口罩搞咗個人妻: 並非弱智

阿賢摸了摸頭後笑道：「我想出去行下。」阿玲氣道：「你都唔熟路，蕩失路點算好呢？」阿賢聞言便點頭道：「咁我下次唔會喇。」

短髮美女聽着兩人的對話，不禁眉頭一縐，輕輕將阿玲拉了過來悄聲問：「你條仔……佢係咪弱智㗎？」阿玲聞言即滿臉通紅地點了點頭，又搖了搖頭，弄得短髮美女不明所以，便回頭跟阿賢道：「我叫Christy，或者叫我阿麗又得，但要加上姐姐兩個字喎。」

「阿麗姐姐！」阿賢興奮地道。阿麗聞言便斜着冷眼跟阿玲說：「你做乜搵個弱智仔做男朋友呀？係咪母愛多過籠，要渲洩啲出嚟呀？你有太多母愛嘅話，可以收養啲貓貓狗狗吖。大姐呀，你真係諗住搵個弱智嘅做老公呀？」

面對阿麗連珠炮式的追問，其實阿玲早已料到她會這樣，便嚴正地跟她說：「首先，佢唔係弱智，只係藥物嘅後遺症，先至令佢變成咁啫。隨住時間耐咗，我相信佢嘅後遺症會越嚟越輕，智力終有日會回復正常。其次，我冇話過佢係我老公，我只係……只係……暫時收留佢啫。」

阿麗掩面仰天叫道：「天呀！醫生都搞唔掂嘅後遺症，你居然相信佢唔使用藥，就可以回復返智力正常？你呢啲唔係盲目嘅愛，就係黐咗呀！」



＜待續……＞