嗰一晚，我用口罩搞咗個人妻: 病人走了

「咦？王姑娘，嗰個冇住院紀錄嘅病人呢？」領着四個壯碩男護士來到的醫院經理訝然問。王姑娘放下手上的檔案答道：「哦！經理，頭先有人接咗佢出院喇。」

醫院經理聞言奇道：「屋企人？佢幾時嚟㗎？佢唔係冇資料嘅咩？點解佢屋企知佢喺呢度㗎？」「我都唔係好清楚呀，只係知道大約半個鐘前左右，前台嗰邊打電話嚟，話佢屋企人嚟咗兼埋單。我都擔心係咪搞錯咗，於是打電話去會計部啦，會計部話係埋咗單喎，咁我咪叫佢換衫走人囉。」王姑娘托着頭道。

「咁你見唔見到佢屋企人呀？」醫院經理問。王姑娘搖頭道：「我見唔到呀。個衰佬一去到大堂，就一支箭咁標咗去。」

「又會咁奇怪嘅，一想趕佢走，佢屋企人就嚟接佢走……唔……不過既然佢畀晒錢，咁都係好事嚟嘅……只係……」醫院經理自言自語之際，在她身旁的男護士突然跟她耳語了幾句。

護士長聽完後，便縐着眉道：「前院長都走咗啦，新院長又乜都唔知，呢個病人好似人球咁，點搞呀？仲有呀，佢條住院數邊個孭佢條數呀？你呀？好嘞，大家唔好再講喇，呢件事就咁Close咗喇，而個檔案就拎去銷……」她邊說邊領着眾人離開了王姑娘的病房。



王姑娘看着醫院經理等人離去後，便輕拍着胸口，同時舒出了一口長氣後，有種壓力全消的感覺。發了一會呆後，她抬頭看看時鐘，原來剛好到了下班時間。見過接班的同事，並交待工作事宜後，她便匆匆走到更衣室換回便服下班去。

＜待續……＞