嗰一晚，我用口罩搞咗個人妻: 要畀家用

婉姐點頭道：「你哋啲男人好大男人主義嘅，成日以為啲女人要男人養至得。其實我哋女人識得自己養自己，我哋都唔想成為男人嘅負擔。」「咦？咁我係咪唔使做呢？」阿賢興奮地問。

婉姐捧着阿賢的臉笑道：「理論上係嘅。不過道理上，我同儀妹都係想等你養，唔理每個月係一百蚊家用，定係一百萬家用，總之你要畀家用。」

「婉姐講得啱！總之你要畀家用！你以為可以食軟飯呀？妄想啦。」阿儀圈着婉姐的臂彎笑道。阿賢嘆了口氣道：「婉姐咁話我都算，我仲要畀你話埋一份。話時話，其實儀姐你份工係做乜嘅呢？」

阿儀食指放在嘴唇前說：「秘密。」

「秘密？好唔公平呢，你話係咪呀？」阿賢救助於婉姐，希望她能支持自己，卻想不到婉姐卻笑道：「女人話得係秘密就係秘密，你點問都冇用。不過話時話，如果你想聽秘密嘅話，我其實都有個秘密，一直想同大家分享。」



阿儀和阿賢即齊聲說：「快啲講。」婉姐笑道：「其實你仲記唔記得，最初識得你嘅時候，我話可以畀個方法你搵大錢呢？」阿賢抓着頭道：「我唔記得喇。」婉姐聞言即氣鼓鼓道：「原來你唔記得！激死我喇！枉我仲諗咗咁耐，好唔好同你坦白呀，激死人喇！」阿儀掩嘴笑道：「婉姐你唔好嬲，佢份人係咁㗎喇。」

阿賢抗議道：「我真係冇印象呢，對唔住呀，但可唔可以話我知係乜嘢事呢？」婉姐臉紅道：「其實……其實……我嗰時係想……唉，我都係唔講喇。」阿賢好奇地問：「咁難開口嘅？」

阿儀突然「哦」的一聲叫了起來後道：「我知道係乜嘢方法喇！哈哈哈！婉姐你覺得佢真係做得嚟？」

＜待續……＞