嗰一晚，我用口罩搞咗個人妻: 唔使做捉

在疫情期間，相信藥房的生意雖然不是最好，但亦是最穩定的一個行業，因為雖然口罩供應回穩，只是人們仍要買消毒藥水、酒精、漂白水等，加上畸仔請了假，只有阿賢一個在店內，結果忙到一頭煙。「畸仔呢？」一把熟悉的聲音問。

忙到頭昏腦漲的阿賢隨口答：「佢出咗去，有乜可以幫到你？」說完他才抬頭望了眼，驚覺原來是阿Sue！阿Sue問：「佢去咗邊呀？」幸好阿賢反應快，便答道：「佢出咗去送嘢畀人，你喺度等一陣，佢好快就返。」阿Sue「哦」了一聲後，眼見店內忙碌，竟幫起店務來。

「阿Sue你份人真係唔話得，又體貼又肯幫手，畸仔有你呢個未婚妻真係執到。你呢啲叫做……叫做……賢妻良母呀！」凌哥忍不住讚道。阿賢忍不住笑道：「凌哥，你係咪見到人哋唔使出糧又幫手，直頭做義工咁，先至賣口乖呀？」凌哥惡狠狠地瞪了阿賢一眼，繼續跟阿Sue說：「不過你成日喺藥房幫手，你唔使搵嘢做咩？」

阿Sue笑道：「我有嘢做㗎，我一直經營間網店，專賣寵物用品，都做咗兩、三年㗎喇。」阿賢好奇地問：「咁生意好唔好呀？」阿Sue認真地說：「最近嘅生意麻麻啦，因為好多人做網店嘛，平均每個月利潤得返十幾萬咋。」「十幾萬？毛利呀？幾多個人分呀？」凌哥愕然問。

阿Sue縐着眉答：「剩利潤呀，三個人分㗎，每人大約四萬銀左右啦。往時冇咁多人做嘅時候，每個月起碼分到七、八萬銀㗎。」「吓？我都要做網店！」阿賢聞言不禁高呼起來。「做乜嘢網店呀，賢哥仔。」原來是荷蘭威來了。



看到荷蘭威，阿賢怒從心起，想指責他跟珊姐踢爆自己跟婉姐的事，但回心一想，如非他跟珊姐說了，而珊姐又怎會跟母親提及他跟婉姐的事，然後又引來這番微妙的結果呢？想着想着，怒氣便慢慢沉了下去。凌哥跟荷蘭威笑道：「佢聽到人話網店搵到錢，於是咪諗住開𥿑店囉。」荷蘭威邊笑淫淫的盯着阿Sue看邊笑道：「賢哥仔又使乜開網店吖，佢遲啲都唔使做啦。」

＜待續……＞