嗰一晚，我用口罩搞咗個人妻: 終明實情

珊姐又嘆了口氣說：「點講好呢……咁講啦，後嚟你老豆同你阿媽結咗婚。當時你阿媽陀住你，只係你老豆好忙冇時間照顧你阿媽，於是Miss Chan就經常嚟你屋企照顧你阿媽。補充一句先，當時Miss Chan已經同佢老公分緊居，而佢間豪宅亦已經顧喺佢名下。Miss Chan當時就提議不如接你阿媽過去住，因為間屋大啲又有工人，而佢亦可以幫手照顧你阿媽。咁你老豆同阿媽都話好。喺一日，你老豆同Miss Chan先搬行李過去嘅路上，卻因為交通意外，就咁……」

「呀！唔怪之得我細個時，因為好想知道老豆單交通意外係點，於是去咗圖書館搵舊報紙。結果搵嚟搵去當日，只係得一單同貨車有關嘅交通意外，而報導中就話係車上有一男一女身亡。我返到屋企問阿媽有冇記錯日子，結果畀佢鬧到九彩……原來實情係咁嘅！」阿賢終於明白整件事的來龍去墨，而那種驚訝的心情，比剛才聽到父母和Miss Chan的三角關係猶甚。「殊！你細聲啲啦……」珊姐急道。「你哋講緊乜呀？乜嘢實情係咁？」母親回過來頭疑惑地問。

「冇嘢，我只係話終於知道原來老豆真係同我一樣啫。」阿賢尷尬地道。「呵！你終於認喇咩？」珊姐笑道。「呀……」阿賢心想這次真的是捉蟲了。母親見珊姐終於說完，便離開盧太她們的話圈子，回來並說：「所以我話你既然大個仔，係時候要自己承擔返自己嘅責任。你要諗清楚，對林太係咪認真嘅，而對阿儀嘅諗法又係點，你一定要了解清楚唔可以見一個愛一個。」

「不過老豆對Miss Chan又好了解咩？」阿賢疑惑地問。母親嘆了口氣後道：「你老豆其實對Miss Chan嘅了解真係好深，而佢又係個好體貼嘅人，每每從對方角度諗問題，又會諗埋點樣解決，或者點樣處理，所以你老豆畀人嘅感覺好有安全感。」看着母親眼泛淚光的說着，阿賢深感自己跟父親之間，在處理感情問題，及做人處世上的差距，也禁不住問自己：「其實我係咪咁鍾意林太呢？而阿儀呢？佢哋兩個又點睇呢？係喎！佢哋兩個仲喺房喎！唔知佢哋傾成點呢？」

＜待續……＞