嗰一晚，我用口罩搞咗個人妻: 扳回一城

阿賢目送兩女步出廚房後，禁不住雙手叉着頭髮慘道：「頂吖！點解兩個都會喺晒度㗎！呢鋪點搞呀！」「你踎喺度做乜呀？」阿賢抬頭一看，原來是母親啊！

「頭痕呢？」母親陰陰笑問。「你都知道晒？」阿賢驚問。母親搖頭道：「知就唔知嘞，但估就估到嘅。從你頭先一嚟到，聽到林太話唔嚟，再到你慘叫後，我入嚟見到你望住阿儀嘅眼神，然後再到林太嚟到後，佢表情上嘅反應，試問又點會估唔到呢？話晒我都養咗你咁多年啊。」「你唔嬲我？」阿賢試探地問。

母親大笑道：「我做乜要嬲你呢？你知唔知你老豆以前都係咁㗎？」「我老豆？你好少講佢，我又點知呢？」阿賢坦言道。「咁呀，咁以後有時間再同你講啦。不過唔好話我唔提你，阿儀佢係個好女仔嚟，千祈唔好玩人哋呀，我當佢係女一樣嘅。」母親叮囑道。正拿着兩碟餸的阿賢聞言便心想：「如果你知我仆咗儀姐嘅話，仲會唔會企喺我嗰邊呢？」

雖得到母親的安慰，心裏的煩惱本來已少了一點，但當看到餐桌的陣勢時，煩惱再次湧上心頭。原來阿賢發現圓桌上唯一的空椅子，兩旁分別坐着阿儀和林太，加上珊姐若有所思的眼神，及母親那不懷好意，像是等着看好戲的神情時，阿賢首次冒起想借故逃走的念頭。不知林太是不是知道他在想甚麼，便拉開椅子笑道：「坐呢度，等你個儀姐好好照顧你呢個細佬。」

阿儀笑道：「雖然我年紀大佢三年，但佢平時都係叫我阿儀㗎，林太。」林太聞言笑道：「不過你哋冇見咁多年，又難得一啲都冇陌生。」阿儀笑道：「咁係因為我哋太熟喇。」林太便問：「咁你知唔知佢依家喺邊度住呢？」



＜待續……＞