嗰一晚，我用口罩搞咗個人妻: 定情信物

阿賢笑道：「哈哈！後嚟你係咁叫鹹濕仔，仲叫咗我成年添。之但係後尾我發覺其實幾冤枉，因為記得你幫我咩嗰時，你都有自摸嘅，唉呀⋯⋯」阿賢突然吃痛叫了起來，原來阿儀用力擰了他手臂一下，阻止他繼續說下去。

阿儀乘機轉移話題，便抬頭望着阿賢說：「你知唔知我呢次返嚟，一半係為咗工作，另一半係為咗……你……」這次阿賢真心驚訝道：「呀？真㗎？」阿儀紅着臉說：「你唔信呀？」阿賢側着頭想了想後說：「唔信，你點會因為我而返嚟呢。仲記得最後嗰封Email係我Send畀你，你都冇覆。」阿儀奇道：「我寫咗封信答你，你冇收到咩？」

阿賢奇道：「信？你幾時寄㗎？」阿儀見阿賢樣子相當認真，便說：「我寄咗封信出嚟後，就打電話返嚟香港，諗住同你講，點知阿姨話你出咗去，於是我就同佢講話我寄咗封信畀你，叫佢記得同你睇。」

阿賢想了良久，印象中始終沒有這回事，便說：「我阿媽好似冇講過喎。咁你封信寫咗乜？」阿儀嚴肅地問：「真係冇聽過？」阿賢亦認真地說：「真係冇聽過，我發誓。」阿儀聞言便突然淚眼汪汪：「咁你肯定唔知我封信寫乜啦。」「我唔知呀。唔通你覆返我Email個問題？」阿賢試探地問。阿儀用力地點了點頭，卻又搖了搖頭道：「唔緊要啦，唔知就算，咁你想唔想同我拍拖？」

跟阿儀拍拖？這是阿賢夢想了很久的事啊！如果在三個月前，阿賢肯定二話不說便點頭答應，但現在他心中有了個林太，這個實在很難抉擇啊！又看到面前的阿儀，那對期待卻又不安的眼神，心想：「如果話要畀啲時間自己，佢肯定知道我另有女人；如果答應佢嘅話，我又過唔到心裏面嗰關；如果拒絕佢嘅話，我驚會失去咗佢呀！」靈機一動下，阿賢深吸一口氣後，便輕輕將阿儀推開，然後解下頸上的銀頸鏈，再圈在阿儀的頸上後說：「咁你明我嘅意思啦？」



阿儀見到阿賢將貼身頸鏈摘下並送給自己，既想問這條銀鏈有甚麼特殊意義，又見阿賢將銀鏈珍而重之的貼身收藏，理應是重要的事物，可是此時此刻，又好像不應查問，那便姑且當是定情信物吧！阿賢雖不知曉阿儀心中在想甚麼，但知道就這樣送上一條銀鏈，未必能她信服，便說：「呢個銀鏈係我老豆留畀我嘅，雖然唔係好值錢，但就好有紀念價值。」阿儀聞言便訝然道：「咁重要嘅嘢我畀返你啦！」說着就將想銀鏈解下來。

＜待續……＞