嗰一晚，我用口罩搞咗個人妻: 又會咁橋？

「阿賢，你過一過嚟。今晚我去你阿媽度打牌，聽佢講你好耐冇返去喎，今晚一齊去食飯啦，反正又可以戥腳。」珊姐說。阿賢搖頭說：「你哋成班女人喺度，我去嚟做乜，唔喇。」怎料珊姐便說：「咁我同佢講，你尋晚同Maria啲嘢畀佢聽。」阿賢呆道：「你點知㗎？」珊姐卻說：「如果畀你阿媽知你搭上人妻，仲要我個Friend，佢仲唔同你斷絕母子關係？」

事實上，阿賢跟母親關係相當好，因他3歲時父親過身後，自此便跟母親相依為命，而藥房工作亦是母親跟珊姐搭路。聞得珊姐竟那麼快知道，阿賢便知應是Maria告訴她的，但又見珊姐對他們之間的事不置一言，看來她應是不太介意。

誰知珊姐好像知道阿賢在想甚麼，她說：「其實Maria個阿媽同我媽咪係契姐妹嚟，但我哋之間其實唔熟，所以你同佢啲嘢我係唔會理嘅。之但係我作為你阿媽老友，又係你老闆娘，我循例要話畀你知Maria唔係乜嘢善男信女，講到呢度你應該明啦。咁今晚等你開枱。」

阿賢的母親，人稱羅太，住在灣仔的灣仔道一個洋樓單位。珊姐早在4點便已到羅太家，而阿賢本想推搪要開工不去，但凌哥則收到Order着阿賢5點便要放工。在門口，已聽到家裏傳出麻雀聲，阿賢開明一看，坐在母親對面的……不是林太？她為何會在這裏呢？

林太看到阿賢同樣呆住了，阿賢的母親見林太的停下動作，便回過頭看，見是兒子來了，便跟林太介紹：「你第一次嚟唔知佢係邊個，佢就係我成日同你提到嘅我個仔，佢好日都唔返嚟，今日阿珊迫佢嚟，佢至肯返嚟咋。」



然後又回過頭跟阿賢說：「你仲唔過嚟同人哋打招呼。珊姐同李太（即係畸仔條女阿Sue個阿媽），你都識㗎啦，而呢位係林太。你記唔記得，之前咪同你講過我去學整蛋糕嘅，就係喺嗰個班度識嘅。你呆咗喺度做乜，快啲叫人啦，咁大個仔仲要人教。」

阿賢跟珊姐和李太打了個招呼，再跟林太點了點頭，便坐在沙發上心不在焉地玩手機。這時他聽到母親問林太：「聽講你老公喺英國有個二奶，係咪真㗎？」

＜待續……＞