以前中學的一些事: 4

反正都已經識左半年了，我覺得彼此之間已經有一定既了解程度，加上我對佢既感覺，確實比之前個d更深，我就如常一樣約阿瑩出街。 
"你想約我今個星期四? 我唔得呀，我要返學呀，一係約星期五?"阿瑩也如常用一種溫柔既聲線答我 
"哎呀，咁冇辦法啦，就星期五啦ok?" 
"okok！" 

收線後，我反而諗到一個計畫，不如就比一個驚喜佢，你知道嗎，女仔除左要哄之外，仲需要男仔比到一份難忘既驚喜比佢，咁你係佢心入面就自然加分.. 
睇返時間，而家都仲係星期一，我仲有兩天時間準備我既驚喜，但當我諗要比咩驚喜阿瑩時，我就開始有少少驚，怕佢收到後唔覺得係驚喜，到時我就肯定比人恥笑....嗯...突然我腦海中閃過了一個公仔----大口仔！