因為前世一個承諾，令我今世三十歲都仲係青頭仔: （20）

慧真大師閉關之前，留左張紙仔俾我，上面有一句寫住：「讓你的想象力成為你的武器」。

呢句說話究竟點樣解讀？

點為止將想象力變成武器？

我地三個叫左外賣，圍埋一齊集思廣益。

大家一邊食住外賣，一邊思考、參透大師嘅意思。





Samuel望住張紙仔，諗得好入神。

「我諗到啦！我終於get到大師嘅意思！」

條友突然嗌出聲，搞到我同Lily嚇親咁滯。

「有咩就快啲講啦。」我話。

「大師嘅意思好簡單！就係叫傑傑你擴闊想象力，唔好再俾傳統嘅思想局限住。其實男人唔係淨係可以同女人一齊，兩個男人都可以好開心，一樣可以相親相愛相撫摸。換言之，大師係想你同男人搞嘢。」





Samuel長篇大論講完，就捉住我隻手：「我已經準備好啦，傑傑你呢？」

「……」我都唔知俾咩反應好，選擇直接無視，問Lily嘅意見.

「我就諗緊大師會唔會係暗示你，唔好只係同嗰道力場鬥力，而係運用想象力同創意去穿破佢？」

「但唔用碌嘢大大力隊穿佢，唔通真係學你話齋，用把電鑽鑽爆佢？」我問。

「唔排除真係可…可能...」Lily說話講到一半，忽然不支倒地。





我同Samuel嚇左一大跳「你你你…你無事呀嘛？」

Lily掩住個頭，面容扭曲，表情極度痛苦：「你地幫…幫我去個手袋…揾…揾樽藥…」

我同Samuel二話不說，立即去摷佢個手袋。

一打開，裡面有成十幾樽藥，大大細細，紅紅綠綠。

「邊樽先係？」我問。

「白色嗰樽…」

「裡面有好幾樽都係白色。」

我地唔知邊樽打邊樽，於是乎將全部白色樽嘅丸仔，拎過去Lily面前。





Lily忍住痛楚，指左其中一樽，跟住我地擰開個蓋，倒左兩粒藥丸放入佢個口。

過左一分鐘左右，佢嘅痛楚先消退，恢復返正常。

「好彩啫，仲未死得。」Lily鬆一口氣，食一啖意粉。

「你無事呀嘛？」我問。

Lily咀嚼口中嘅意粉：「無事，頭先一時病發啫，好彩你地及時拎樽藥俾我。」

雖然我同Lily唔係好熟，感情並唔深厚，但係啱先見到佢咁痛苦嘅樣，勾起左我嘅憐憫之心，心入面十分同情佢。

我相信咁多年嚟，佢一定俾呢個病折磨得好辛苦。





而某程度上，我同佢都算係同病相憐，因為大家都係被命運作弄嘅人。

命運奪取左我嘅自由，至於Lily就被命運無情奪取生命。

既然同是天涯淪落人，咁我當然唔會袖手旁觀。

慧真大師講過，氣形合意功可以能醫百病，假如我將體內大師傳俾我嘅嗰鼓真氣，傳過去俾Lily，或者有機會消除佢腦內嗰粒頑固嘅腫瘤。

呢道真氣現存於我嘅下體，要傳到去對方體內，最好、最直接嘅方法就係射俾佢。

只要我將下體插入去，喺佢入面射精，咁道真氣應該就會連隨一齊，注入到去佢嘅體內。

咁即係話，當我地一做愛，就意味住同時打破兩個人嘅宿命。

因此，我地之間嘅結合，將會係一場逆轉命運嘅性愛。