因為前世一個承諾，令我今世三十歲都仲係青頭仔: （17）
「老楊，去搬塊大石頭過來。」
結果慧真大師，真係吩咐廟祝去搵舊石返嚟。
家下嗰道真氣全都聚集喺下身，令我碌嘢變得又長又硬，又粗又壯。
「你現在就用我剛才教你的運氣方法，來駕馭住這道真氣。」慧真大師對我講。
我重複咁吸氣同閉氣，以此嚟控制嗰道強勁嘅真氣。
過左無幾耐，廟祝就搬左一舊大約手臂咁長、iPad咁闊嘅石頭返嚟。
慧真大師叫廟祝托住舊石，然後叫我捅條jer埋去，睇下能唔能夠捅穿舊石。
廟祝唔敢違抗大師命令，將舊石抬起至小腹位置，並叮囑我：「你小心點，千萬不要刺錯地方！」
我行去舊石前面，先運氣將垂直扯旗嘅下體，降低至到同小腹成九十度角。
漲大嘅龜頭由指向天，漸漸變成指向前方。
我對準面前塊大石頭，一下挺腰向前隊過去。
「砰！」
成舊石頭一下子爆開，裂成一塊塊碎片，四散於周圍。
廟祝同我都呆q左，完全估唔到我係咁意，就頂爆左舊大石。
為左測試「巨龍」嘅威力去到邊，我地之後再搵埋其他物料嚟試。
而無論係銅係鐵，定抑或金銀，都一一俾我輕易刺穿。
見到「巨龍」威力無比，無堅不摧，我心諗話唔定能夠衝破埋嗰道貞操力場。
「大師，我條嘢連鋼鐵都隊得穿，我相信應該可以隊穿到力場。」
「這不好說，要試過才知道。」慧真大師回答。
只有喺扑嘢嘅時候，貞操力場先會出現，因此要試嘅話，咁就要搵個人扑嘢先得。
「傑傑，我唔介意做白老鼠，陪你一齊試架！」Samuel趌個蘿柚過嚟。
「你唔介意但係我介意呢。」
之後大師教埋我，點樣收返道真氣：「閉目十秒，放空整個人，那就能把真氣隱藏起來。」
我瞇埋眼，放空個人，果然十秒之後，下體就慢慢回復返，未扯旗時嘅正常狀態。
「哎呀，爭少少！」Samuel條友趁我瞇埋眼，想偷襲「摸雀」。
好彩我碌嘢縮得切，否則就蝕抵左俾佢。
「當你想把真氣重新召出來，那就用我一開始教你的運氣方法，明白了嗎？」
「我明啦，大師。」
依家嘅我算練成左氣形合意功，下一步就係同貞操力場一較高下。
而既然嚟得台灣，點都溝下台妹，我上網搵下附近有無酒吧之類嘅消遣場所。
殊不知揾揾下，無意中俾我發現，原來聽日「血肉果汁機」會嚟台中開show。
佢地一隊台灣重金屬樂隊，平時自己都幾鍾意聽，相信現場聽嘅話，應該會更加high。
我將衝破力場同溝台妹嘅事，暫時擺埋一邊，主力先搵窿路撲張演唱會飛。
由於隊band受歡迎，所以啲飛早就賣曬。
要入場嘅話，就只能無奈咁幫襯黃牛黨。
個show臨開始前兩個鐘，終於先俾我地班到兩張飛。
「拿，講明先呀，係你自己話要跟嚟，陣間唔啱聽，千其唔好阿支阿左。」
我知Samuel平時無聽開heavy metal，所以幫佢打定底先。
「知啦，heavy metal之嘛，我頂得順嘅。」Samuel拍曬心口咁講。
點不知一開場，隊band唱第一首歌，佢就嫌啲音樂太勁太恆，直接頂唔順，提早走人。
我就一支公同其他觀眾high到完場。
「Hello！我地又見面啦。」
散場嘅時候，碰見Lily，對方同我打招呼。
「嘩！咁啱嘅？嚟到台灣都見到你，你唔係跟蹤我呀嘛？」
「俾你發現左添！無錯，我的確係跟蹤你。」
「我講下笑，唔洗咁認真。」我笑笑口話。
「我講真架，我真係特登嚟台灣撞你。」對方語氣好認真。
「下？唔係呀嘛？」
「睇嚟你真係唔記得左我。」
「我記得，你係Lily呀嘛，我地之前應該見過兩次左右。」
「除此之外呢？」
「……」我唔係好明佢咁講咩意思，所以靜左無出聲。
我地沉默左一陣，慢慢行出會場，嚟到馬路邊截的士。
跟住Lily拎部自己電話出嚟，show左張中學班相出嚟。
「點解你會有我地中學張班相？」我感到詫異。
「你果然唔記得左我，我咪張相右上角嗰個女仔，我以前同你一班架，你記唔記得？」
「望落你又真係同相中人幾似樣，但點解我對你好似無乜印象。」
「你唔記得都出奇嘅，因為嗰陣時我成日要入院，無得返學。」
我留意到佢張班相上面，將啲男同學個樣，用圓圈圈住左：「點解你圈住左啲男仔嘅？」
「係記錄嚟架，圈住嗰啲男同學就係已經上過床嘅。」
我打左個突，以為自己聽錯：「你…你話咩話？」
「我話上面圈住左嘅同學，係已經同我上過床嘅，同埋你睇真啲，張相上面得Samuel同你未有圓圈，咁就代表我仲未同你地搞嘢。」
「……」我再一次靜左無聲出，都唔知點應佢。
路邊嘅汽車經過，傳出嗚嗚噪音。
「Samuel就係攣嘅，恐怕都好難拗得返直，咁就即係話，家下就得返你一個未同我做愛。」Lily一邊講，一邊喺褲袋拎左支珍寶珠出嚟食。
「乜…乜你有集郵嘅嗜好架咩？」
「呢個唔係嗜好，而係我嘅心願，我希望臨死前可以同，中學所有嘅同班男同學搞一次嘢。」
「臨死前？點解你啲口吻好似講到自己，就嚟瓜得咁嘅？」我問。
「係呀，我個腦有個瘤，無論係醫生又好，算命嘅都好，佢地話我三十歲前就會死，而今日距離我三十歲生日，仲有唔夠兩個禮拜，所以我希望自己臨死前，你可以同我做一次愛，完成我呢個心願。」
「你講真定講假？如果你真係就嚟死，應該做啲更有意義嘅事，唔會走去集郵咁奇怪。」我有啲唔信佢嘅說話。
「一啲唔奇怪囉，乜你無聽過啲人講，生命唔在於長度，而係在於闊度咩？」
「Er…你輪流同咁多人搞嘢…我諗只會增加你某個部位嘅闊度…」
「哈哈，你都未入過，你又知我係闊定係窄？」Lily含住粒珍寶珠，望住我講，「靜靜雞話你聽，其實我唔單止把口掂，騎功都唔差架，包你一試永世難忘，永遠永遠永遠都會記得我。」
我笑一笑答佢：「係嘅話我都好想試下。」
「講開又講，你嗰道力場消失左未？」佢問。
我搖搖頭回答：「未呀，只不過我最近學左一種氣功，有可能幫到我衝破道力場。」
「氣功？聽落好似好犀利咁。」
「真係幾犀利架。」我答。
而喺呢個時候，終於有架的士停低。
我地兩個一齊上車，前往酒店。
原本我係打算溝台妹，無諗到他鄉遇故知，咁唯有改變主意，改同Lily上床，借此嚟試下自己，能否利用氣形合意功穿破力場。