考牌啦: 實習-Case 5 (5)
「婆婆我知你好急，不如我帶你去櫃檯個邊，個邊有專人慢慢聽你講，咁可以睇下點幫你？」夢原想直接詢問詳情，不過他突然記起他今天負責的工作只是做指引，唯有暫時放棄。 「你又話會幫我，但係都係將我當波咁踢俾其他人，連你都係呃阿婆。無架啦，阿婆就係咁命苦，辛苦咁多年都無人幫，由我死得啦...」婆婆一聽到夢只是想帶路的時候，變得激動起來，在地上叫苦連天。 看見婆婆這樣子，夢忍不住安慰婆婆「婆婆，你吾好咁啦，你講出黎，實有人幫到你架」 看見夢想想扶起婆婆的時候，遠處的柔柔，眾職員都不禁用手扶着頭歎了一口氣。 只見婆婆靈活地由坐變成跪在地上，雙手緊握着夢說「你一定會幫阿婆係咪，你係好人」並想對夢叩頭 夢當然不會讓婆婆這樣做，急忙説「好好好，我幫你，你企番起身先，我地搵個地方慢慢講」 在夢帶婆婆去房間了解時，夢看見了柔柔無奈的眼神。但在婆婆依然緊握着夢的手下，夢唯有用眼神向柔柔表達自己衝動的歉意，在得到柔柔迫不得以的示意下，夢帶着婆婆來到一間諮詢室。 柔柔原本都想跟着進入房間，可才踏進一步就被婆婆激動地趕走，二人糾纏了一會，最後由婆婆勝出，只留下夢一個職員為她負責。 「婆婆，你係遇到咩事呀？」夢坐下後發出的嘶啞的聲音問 「我好慘架，婆婆我自己本身有一間屋，同個仔相依為命。但係只從佢識左個個女人之後就無啦，佢就無左放我依個老太婆係眼內，開口埋口都護住個個女人。個女人生左兩個仔就開始謀我間屋，依家就成日趕我走，吾俾我睇個兩個孫仔。你知吾知我好慘，一定要幫我討回公道，依個女人咁本就係狐狸精，咁本就吾係一個好女人...」婆婆開始講述自己一連串受苦的心酸，一說就打開了話閘子，完全沒有停止的意慾。 夢聽了許久許久，終於趁婆婆吸半口氣的機會時插了一句「婆婆，咁你係咪想投訴你個仔同埋佢老婆？」 「吾係吾係，我係想你地解決個個女人，等佢吾可以再纏住我個仔」