考牌啦: 實習-Case 4 (19)

「我吾同意」李昆的媽媽聽到後決絕地回答 「係呀，我地會俾李昆去讀畢業班，只要受過...等陣自，你話吾同意？點解的？你係咪擔心李昆吾夠能力去考畢業試？你可以放心我已經...」許老師的腦內急忙轉另一份說詞 「你吾駛說服我啦，我係吾會同意佢跳級去考畢業試」李昆媽媽繼續堅決地回答 「吓！但係依個係一個好好的機會俾李昆」許老師十分不理解李昆媽媽的想法 「想問依個算係咩機會？」李昆媽媽不屑地問 「只要李昆佢上左學校的畢業班，經過專業的教學，佢的能力絕對可以係全城性的畢業試拎到極好的成績，至少可以成為全港頭十。再加埋李昆的年紀，一定會得到好高的知名度。而以我所知今年全港的頂尖學校都無人會跳級去考畢業試，所以李昆一定會係全城最觸目的新星」許老師一口氣將腦內完美的未來說出來 「然後呢？」李昆媽媽絲毫沒有因許老師的描述而有改變 許老師繼續說「只要佢有咁的成績，所有頂尖的大學都會對佢開放。而咁樣入學一定會有獎學金資助」 「重有呢？」李昆媽媽繼續追問 許老師唯有繼續說下去「咁入左名校，CV會好靚，定日就會搵到一份好工，以後都吾洗為左生活而煩惱。」 「許老師你覺得我地屋企係吾夠錢開飯？定係吾夠錢讀書？」李昆媽媽極其不爽地問 「吾係。我無咁的意思」對於這種帶刺的說話，許老師感到莫名其妙 「咁點解要我個仔提早咁多去考畢業試？屋企又吾係差佢啲錢先生存到。點解吾俾佢用依一段時間去搵自己的興趣？」李昆媽媽質問 「但係...」許老師正想說話時就被打斷 「許生，你依一個念頭應該未問過我個仔係咪？睇下佢依家個樣都知係」李昆這時正呆滯地看著兩個成人「你估我吾知李昆的能力？由佢細個開始，佢所展現的學習能力比起任何人都高，被稱為神童都當之無愧」 「咁就更加吾好埋沒佢的天份，只要...」許老師順著李昆媽媽的說話說下去再次被打斷 「許生！你頭先所講的野都係由你諗、你想、你覺得，咁你有無真係企係我個仔的角度諗野？佢點樣搵朋友、佢搵到自己想做的事未依啲野你全部都無諗過。你個腦應該剩係諗緊點樣包裝我個仔，去為學校爭取名氣，係咪！許！老！師！」李昆媽媽咬牙切齒地問許老師。