考牌啦: 實習-Case 3 (13)
「睇黎你都未太適應一個人負責湊小朋友。不如我講下我的經歷先」甘鑫柔和而有力的說 「其實我好耐之前已經獨自湊我個女。我老婆...」甘鑫停了一下「應該係前妻。有可能佢無做過啲咩家務，所以生左個女之後佢都吾係好識湊個女。」 甘鑫一路說一邊陷入自己回憶的旋渦「其實個陣時我都未預備好有自己的小朋友，應該話我連婚姻都未準備好，就係咁佢出左世。真係好神奇，我以前自問吾係特別鍾意小朋友，但係係醫院望住心珊個刻，吾知點解我心底有啲野好似變左。我會係網上不停去搜索資料，例如啲床用邊款好啲，飲咩奶粉會對佢健康啲。」 夢之前已經看過甘鑫的資料，不由自主地對甘鑫能如此冷靜說出過去的經歷感到敬佩。 夢都漸漸進入狀態問「咁你點樣湊個女，你個時應該都有番工？」 「我最慶幸就係個陣時請左個好好的陪月。佢係我最吾知點樣的時候過左好多招俾我。網上資料同實際操作真係好吾同，個時佢幫左我大半年」「點解吾叫佢做耐啲？」 「因為我人工又吾係高，同埋要租地方住。加上結婚生仔已經洗左我好大筆錢，所以請佢半年已經係我極限。多左個啲時間都係佢友情價咁幫我，我都未係幾好意思，所以同左老闆傾之後，我就帶埋個女番工。」「帶住個女番工！！」聽到這裏夢不禁叫喊出一句 「係呀。我個時重做緊文員，我平時做野手腳都快，老闆未俾我可以咁做」夢忍不住追問「你老婆呢？你屋企人呢？」 甘鑫聽到後，仿似記起了什麼，再次停了說話。「吾好意思，我係咪勾起左你啲吾好的回憶」夢這才醒起甘鑫的經歷 「佢...生左之後無奈就消失左，而我屋企人係我結婚前就同我斷絕左關係。」「吓...個幾年你未好辛苦」甘鑫的言語再刷新夢對這個底谷下限的認知 「辛苦？其實都吾係。其實我反而慶幸有咁的經歷」甘鑫的答案出乎夢的意料 甘鑫自豪地說「因為我親手湊大，完全吾會錯失佢任何的成長階段。佢第一次叫爸爸，第一次爬，第一次行，第一次笑，好多好多的第一次，我都親身見證住。」聽到這裏夢於心不忍都開始試探「其實我最近有諗過依個問題。如果俾你㨂，你會想㨂無佢自由自在的世界定係要番依家咁的生活。依種生活真係有咁好」