考牌啦: 實習-Case 2 (8)
在面具女士和惠賢從各自的門離開的片刻後，帶著蛇形面具的老闆進場，一名男子亦從門步入房間。但出奇的是隔着玻璃的三人完全看不清那名男子的面相，就像有團迷霧包在那男子的頭一樣，模糊不清。夢揉一揉眼睛，望一望四周，發現應該不是自己眼睛的問題時，忍不住站起身，嘗試在不同的角度觀察那名男子。棋主任說「如果你係想試下睇吾睇到個個人的樣，你可以放棄啦。」夢問「點解會咁的？依一團野係點樣出黎？」棋主任說「依個係一個保護手段，要知道以前大家都會因為認得某一啲人的樣，知道佢過去的事情或者地位，因為有牙齒印而想辦法去陷害。而為左避免社會的精英，即係係特定方面有極高的等級的人，因為依啲人為因素喪失發展的機會同未來，佢哋的樣係依啲場合會盡量俾少啲人見到，你應該見到依家愈黎愈少依種類型的公開場合。依團霧算係試驗品，會按照特定的能力的評級決定睇吾睇得透。」夢聽完後看着Star「又話吾高科技？」Star攤開兩手「我指間房吾高科技咋嘛」在三人簡約的科普新科技時，玻璃的另一邊亦已開始看不見的戰火 老闆「我地又見面啦」男子「我每日都見過好多人，見過我吾出其」 「你知吾知點解你係到？」「吾係問關於我兩個仔的教育咩，重有其他野？」 「你覺得你兩個仔教育的問題需要突登係依度處理？」「我的工作都需要我係依度出入」 「你平日點樣教育你兩個仔？」「學術知識係由學校，其他技能我老婆請左合資格的人士親自教授。平日我會用只少15分鐘時間聽佢哋講自己的經歷同感受，我會盡力俾中肯的意見佢哋，訓練佢哋由自己落決定並為此附責。每星期都會至少抽一個鐘以上陪佢哋有家庭活動。」 「你覺得你兩個仔點樣？」「有良好的教育，係優秀的人」 「你覺得佢哋係你的教育方針下，會承受幾大壓力？」「壓力點都會有，人無論做咩點都會有壓力。」 「你會點形容佢哋承受緊的壓力？」「平時你有做開運動的話，類似做左運動開始肌肉有少少攰的感覺」 「你會點樣幫佢哋紓解壓力？」「係我能力範圍提供佢哋想要的資源，有時陪下佢哋，同埋我老婆係精神壓力依方面有研究，佢都有辦法解決啲壓力。」 二人的對話極其簡短，在夢從思考迷霧這個科技清醒的時候，這二人已經離開了房間。 「吓，咁就完左？咁個結果係點？」夢忍不住問。棋主任說「所以點解我哋今日要黎，應該要動用啲野啦，睇落去啦」