考牌啦: 實習-Case 2 (4)
「即係要點去測試？」「因為文字版的測試如果做過，或者用推理係可以大概咁推算最終會得出咩結果。所以第一可以去做筆跡鑑定。平日人寫字的大小、間距方向都可以代表到啲一個人寫字的時候的狀態。百武的字應該會有多啲野睇到，啲字比較有風格。而百文的字好明顯都係由細練到大，工整到電腦打印咁，不過都可以搵人幫手鑑定下筆跡，睇下吾同時間的筆跡會吾會有少少吾同。第二要搵專人去同佢哋試吓做圖畫的心理壓力測試，因為依類型比較多，應該俾較難記得哂。」夢詳盡地解釋接下來的部署。「其實如果佢哋真係要話自己好大壓力，點解佢哋要咁樣做個結果出黎？依家係佢哋投訴喎。」夢十分疑惑地問「雖然我哋吾應該咁早落定論，但個問題有機會係因為佢哋父母的生仔牌级數同職業上面。」「佢哋係？...7級？！」夢接過Star 遞來的檔案「好高級」「係，要知道6級或以上，係需要經過幾次鑑定先做到。同埋佢哋的父親應該係有啲身份，好多資料都睇吾到。所以應該家庭或者職業對於依方面有啲要求。不過我都係估下，如果真係咁的話，就要搵人幫手，吾係我地兩個的權限可以處理哂的野黎。不過點都好，等埋個測試出結果再算。我教你做埋向上申請有高啲權限的人士過黎幫我哋點做先。」-------------「你哋最近個case點呀？」「主任？無呀，都係睇緊啲資料，等緊測試出第二次結果」Star回答，夢都趁機抬頭鬆一鬆。「今次你做得幾好」棋主任拍一拍Star「要去到連你都要出動埋？」Star驚訝一問「嗯，重要吾止我」Star的眼睛再次瞪大「你哋應該有睇過佢哋家庭的資料，應該知道佢哋都有啲身份。加上你標注佢哋2人有可能受過啲訓練去答題，所以第二次份測試用左幾份內部先有的測試。」「佢哋的測試結果顯示壓力好大？」Star問「相反，係好標準。」棋主任答道「咁奇怪？」棋主任嘆了一口氣說「就係因為太過標準，所以先無可能。個個測試無論係邊個做都應該會有壓力，因為本身個測試係會令做的人有壓力，所以正常結果應該係有輕微的壓力。」「所以個結果顯示無壓力反而証明佢作緊野或者隱藏緊啲野。」夢接着說「係，但因為要知道依啲測試雖然吾算咩特別機密，但都吾係普通人可以接觸到。所以未驚動左上面。」Star說「咁大鑊！」「今日下午已經約左佢哋全家去詢問，到時你同夢都跟埋黎啦。問就無機會啦依次，不過去觀摩下都好的。」