若你信了我的大話 我就能聽見你的真話: 65. 再見思凝 (下)
「你好，請問你係咪認識李思凝小姐?」
「係呀。」
「佢被發現佢係渡假屋燒炭自殺，我地見佢最後一個電話係打比你，暫時又聯絡唔到其他人，麻煩你可唔可以黎一黎醫院認屍同提供一D佢嘅資料?」
「…咩話? 你話思凝…自殺死左?」我完全不能相信自己的耳朵。
「係，有人發現嘅時候已經太遲救唔返。」
「知...唔知係咩原因?」
「詳情我地都仲調查緊，或者你黎左醫院先?」
我的腦海完全不能運作，明明幾天前見她還好地地，怎麼可能突然會自殺?會不會是電視節目那些整蠱真人show?
可惜當我趕到醫院，看到那蒼白卻熟悉的臉孔，我知道一切都是真的，心裏的劇痛讓我的視線不禁變得模糊。
「先生，請問你同死者係咩關係?」很快一名女警便走過來向我問話。
「佢係我中學同學，不過佢離開左香港好耐，我地都係前排先見返面。」
「請問你最後一次見死者係咩時候?」
「應該係三日前我同佢食過餐晚飯…」
「你果陣有無發現佢有咩異樣?」
「無，一切都好正常，唔覺佢有咩異樣。」
「我地都嘗試同澳洲果邊聯絡緊睇下有咩線索。另外想確認一下你係徐天樂先生本人?」
「無錯，我係徐天樂。」
「死者有封遺書係比你，我地調查完就會比你。」
「好…唔該…」
之前還朝氣勃勃的一個人，突然間便成為了一條完全沒有生命氣息的屍體，我不能接受，更想不通還何這樣幸福的她會突然選擇自殺…
不過随著警方和澳洲之前打來的miss call取得聯繫加上我看完思凝那封遺書，一切的謎團終於得到解開，原來思凝一直說的都只是故事的前部而不是事實的全部。
本身她和丈夫以及兩個孩子確實過著幸福的生活，直至有天，她親眼看見丈夫外邊有第二個，然後再發現原來他一直都有第三，四個。由於丈夫並不富有又喜歡遊手空閒常常出去玩樂，所以家裏的財政收入主要都是來自思凝，然後她發現原來自己辛辛苦苦賺回來的錢一直都是給自己的老公倒貼其他女人。
思凝很生氣亦很痛苦，和丈夫一吵完一場後便決定帶著兩個子女離開。但她的丈夫並沒有就此放棄她們，他駕著車追趕著她們，並在馬路上追逐，然後在追上她們的同時亦發生了交通意外，她丈夫的車撞上了她的車，然後奪走了她丈夫以及以兩個孩子的生命，只有她一個人倖存下來。
或許我不應該用倖存這個字眼，因為活著的人其實很可能是比死去的人更不幸。思凝在清醒後知道了這事實接受不了，在聲嘶力竭的暴喊聲下，她突然又再度陷入昏迷。而奇怪的是第二天當她再度蘇醒後，卻像失了憶般忘記了之前發生的一切，她忘記了她的丈夫出軌，忘記了丈夫和兩個子女已經離開了人世，而更奇怪的是不知為甚麼她自己認定了他們是去了第二個地方旅行。
醫生說也許是因為車禍讓她的腦部受過撞擊，加上她醒來時受的刺激太大， 這讓她產生了精神錯亂，大腦啟動了自我保護機制，所以她選擇性地忘記了剛發生的所有不幸事件，還自動幫自己補完他們消失不見了的原因。
不忍她再受刺激，所以他們並沒有把真相立刻告訴她，亦不知道她會不會又或是甚麼時候會想起這一切。不過醫生認為外來的刺激隨時也有可能讓她想起那失去了的記憶。
而在出院後的幾天，她卻突然消失了。原來她一個人自己回到了香港，然後找了我。而那堆澳洲的miss call，是當地醫院因發現她沒有覆診，人又突然像人間蒸發了般消失了所以才不斷打來。
而估計之後應該是一些外來刺激讓她想起了一切，然後在萬念俱灰下才決定輕生。
“天樂，曾經我以為自己係全世界最幸福嘅人，但原來一切都係假架。
當年可以同你偷偷地一齊，係我人生中最開心嘅日子，但命運讓我註定要結束衣段關係。
去到英國，我初初真係好唔開心，好憎我父母…係果邊我一直都有意無意咁尋找你嘅影子，但一直都一無所獲，直至係大學後期遇到佢，第一眼我就覺得佢感覺好似你，然後就不自覺咁靠緊佢…
或者因為佢太似你，令我不自覺咁蒙蔽左自己雙眼，明明知道佢有好多問題，我都仲一心一意咁愛佢希望可以令佢變好，仲同佢結埋婚生埋小朋友。其實初初我父母係見過佢後已經不斷話佢唔係良配，堅決反對我地一齊，話我一定會後悔，仲不斷想介紹其他金融才俊我識。但我就係任性，就係想反抗佢地，佢地越反對，我就越係要做，甚至急不及待咁要同佢結婚…
可惜最後結果都係証明左佢地係岩… 當我意外咁親眼見到佢將個女人帶到上我地屋企，訓係我張床度，果刻我真係傷心欲絕，而之後我更發現原來佢一直都有其他女人，只係我自己唔知… 我唔想我兩個小朋友有個咁嘅嗲哋，所以我決定帶埋兩個小朋友離開佢，點知… 結果反而帶走晒佢地…
其實我都只係想搵個好似你咁比到感覺我嘅人，想有個正常幸福嘅家庭啫，點解個天要咁對我? 係咪因為我自己一意孤行唔聽父母講所以個天要將佢地一次過拎走晒?
可以鼓起勇氣返黎見返你，我真係好開心，我好想比你知我過得好幸福，好想話比我父母聽佢地係錯嘅，但點解比我忘記完又要我記返起晒所有野嘅野? 我唔想比佢地同你見到我咁嘅樣，我唔想睇到佢地果副”一早話左你架啦”嘅嘴臉，我唔知點面對你地點面對自己…
我估結束生命去陪佢地，係我最好嘅選擇同依歸… 至少係另一個世界，我可以同我兩個小朋友重聚，又唔駛面對你地…
因為你知我返左黎又同我出過去唔少次，我死後警察好可能會搵到你唔會暪到你，但我真係唔想比我父母知，唔想佢地有機會話我… 所以天樂，麻煩你可唔可以將我嘅骨灰帶返澳洲同我兩個小朋友葬埋一齊?
至於我父母，如果佢地仲記得我衣個女有日想搵我，佢地自然會知道我發生左咩事… 但如果佢地都無諗住再搵我，咁就等佢地一直仍然以為我係衣個世界上好幸福咁生存緊啦…
我知我為你制造左好多麻煩…對唔住呀天樂，打擾晒你…
另外雖然我無咁嘅福份，但希望有一日你會搵得返曉嵐或者另一個人，可以令你唔再做無腳嘅雀仔落地生根啦。
你要幸福呀，保重。
凝”
如果當日我沒有和思凝在一起，她便不會對我這樣迷戀，不會變得這樣反叛，那應該亦不會那樣鍾情於那個澳洲男，然後便不會有這個悲劇發生…
更重要是明明自己早已察覺到對方的不尋常，為甚麼沒把這放上心而讓悲劇最後發生? 歸根究底還是我太依賴了自己的能力，以為她腦裏沒想便代表她完全沒有事。但其實之前Judy的故事，不是早已經預示過這些都可以是假的嗎?
在帶著思凝的骨灰回澳洲，我陷入了深深的自責，同時亦再一次開始對自己的能力抱有疑問。