若你信了我的大話 我就能聽見你的真話: 54. 一個孝順女兒的故事 (中)
三天後的假日，我們便相約了一起晚飯，而在晚飯期間我們閒聊得十分開心。不過讓我在意的是Ceci對我用了假名字，她告訴我她叫Esther。而再配合了她的熱情主動，隱暪自己有男朋友，又不時想打聽我的工作收入和家底，我對她的行為已經有了一些不好的想法。
「難得今晚可以出黎我唔想返去住呀… 你頭先話你自己一個住，不如上去你屋企飲多杯?」果然，在晚飯完結後，她主動問我。
面對美女的邀請沒人會拒絕，而且我還在等她主動露出她背後的目的，於是我把她帶回了自己的家。
我們開了支白酒，找了套電影看，然後不久她已撓上我的手臂並把頭枕在我的肩膊上。再過了一段時間，我發現她竟然在我膊頭上哭起來。
「做咩喊呀?」我溫柔地問道。
「我諗起媽咪…」
「情況真係好差?」我關心地問。
「唔係… 只係見佢咁辛苦，我好難過… 同埋我地衣家日日要照顧佢有時都真係好累… 累都唔緊要，最慘係我地仲要成日請個Physio黎幫佢做物理治療，你知唔知要幾錢? 要成兩皮野一個月呀… 一個月我都仲頂到，但第二，三個月我真係頂唔順…」她越說哭得越厲害。
「你其他屋企人幫唔到手?」我好奇問。
「我爸爸退左休喇，本身佢自己都無咩積蓄，衣家平時我返工果陣佢要全日睇住媽咪已經好累，所以放工我都盡量會返去幫手，間中先會偷偷地出黎玩一晚。我個阿哥又廢，衣家仲失緊業…」
「明白… 真係難為你，辛苦你喇…」不論她是不是有其它動機，但我感受到她確實是有壓力，所以我輕撫著她的秀髮說道。
「你可唔可以幫下我?」她聽到後轉身抱實我問道。
「你想我點幫你?」
「比錢我… 之後你可以對我點都得…」她把嘴貼近我耳邊輕聲地說，說完還在我耳窩上輕輕吹了一口氣。
到這裏，我想一切終於都真相大白。
「你真係想咁?」望著這個漂亮卻仍稚氣十足的年青少女，我有點心痛她走上這條路盡最後努力問道。
「我都唔想，但係無辦法…」也許她亦有點難堪，所以迴避著我的眼神答道。
「我想幫你，但係我接受唔到咁… 我唔想將我地嘅關係同錢銀掛鉤…」不過同情還同情，我當然不可能真的給她錢和她上床，於是半真半假地裝作心痛答道。
「咁一係你真係當幫朋友咁淨係比錢幫我?咁咪唔係交易?」她沒再迴避我的眼神提議道。
「我會嘅，不過唔係今日，等我認識你耐D真係做左朋友先啦。」而我亦繼續耍太極。
她望了我一會，然後突然便吻了上來。正常的男人，我想這裏應該已經會把持不住把她就地正法。不過由於她是我客人的女朋友，我不希望讓我的客人戴我緣帽，所以我一直不為所動。
只是她的挑釁並沒有因我的不為所動而停止，相反更變本加厲，希望能不斷透過自己的肢體和言語去挑起我的性慾。
「你硬左喎~」她把手伸入了我的褲中撫摸著小Kenny然後說道。
「對住你好難唔硬喎~」我笑笑回應。
「咁你真係唔想扑我?」
「我想… 但唔想同錢有關變左好似交易咁…」我繼續用聖人模式回應。
「你將兩樣野分開當幫下我唔得咩?」她帶著哀求的語氣說。
「唔得…我呃唔到自己…」我繼續拒絕。
「咁如果唔駛你比錢呢?」再努力了一會她發覺我仍不為所動後再問道。
「唔駛錢你都肯?」
「嗯…」
這刻到我有點不明所意。望著她清純的面孔，瘦削但修長的身型，特別是她今天只是穿了一條很短的牛仔褲，我確實有立刻把她反壓在身下的衝動。不過專業操手還是讓我的理性獲得最後勝利，在忘我地吻了一會，她的手已遊遍我全身所有部位後，我還是把她推開了。
「我真係咁唔吸引?」她帶著點失望地問道。
「唔係… 正因你太吸引，我唔想咁快就同你發生關係，我想好好咁珍惜你…」化身回聖人的我答道。
「你真係想同我認真發展?」她突然語氣一轉。
「係呀，可唔可以?」我誠懇地問。
「唔知呀，等我考慮下~」她像相信了我的話然後重現笑容說。
「好呀，我等你~」
「咁衣家你淨係攬住我得唔得呀?」
「求之不得~」
「怪人…」
這晚我們互相抱了一會兒後，我便把她送上了的士讓她回家。而為了避免再和Ceci糾纏，我通知了Alfred計劃可以立刻進行。
「Ceci，其實你有無野暪住我?」
Alfred約好了Ceci便把時間和地址發了給我。到了餐廳我才第一次看見Alfred，發現他外表原來十分有型，既有六尺高，又大隻靚仔，難怪雖然年紀應該和我差不多，但仍能吸引到Ceci這個年輕少女。由於我不想讓Ceci認出自己，所以我易了容亦沒有主動和Alfred見面。
「無呀，點解咁問?」Ceci疑惑地答道。
「無呀，我知你近排要照顧你媽咪好忙好累，我無怪過你間中突然好似會消失左咁又或者主動搵少左我，我只係想話你知我會一直係你身邊支持你，有咩需要人分擔或者想同人講你都可以話我聽架。」Alfred捉著Ceci的手一臉深情地說。
「知喇，多謝你呀…可以有你做我男朋友我知我好幸福… 放心啦，我點會暪你啫，有咩都一定會同你講架~
食完野後不如我地去酒店? 我知我地成個月無咩過你一定好辛苦，一陣等我好好補償你啦…」
女人果然天生就是演員，Ceci像沒事一樣挑逗著Alfred。不過我知道在她心底裏，確實是帶著點感動和內疚。
於是這天到了晚上，我才再收到Alfred的電話。
「佢有無野暪住我?」他帶著疲累的聲音問道。
「有，不過真相你未必會想知…」
「去到衣步，我都無理由唔去搵個答案啦。」
「你女朋友為左佢媽嘅醫藥費，成為左一個PTGF。」
「而更不幸嘅係，佢係搵錢途中，愛上左果種感覺…」見Alfred聽到後一直保持著沉默，我接著再加了一句。